ZACARÍAS 2
2
Prezu apai tucushcacunatami cayashca
1Chai jipami, vichai ricurcani. Chaipica, medina cordelta maquipi charijuj shuj runatami, ñapash ricurcani. 2Chai runatami: “¿Maimanda rijungui?” nishpa tapurcani. Shina tapujpimi paica, cashna nishpa tigrachihuarca: “Ñucaca, mashna ancho cajta, mashna jatun cajta, Jerusalenda medishpa ricungapajmi rijuni” nihuarcami.
3Ñucahuan parlajuj ángel ñapash llujshijpimi, shuj angelpash paita tuparingapaj llujshimurca. 4Tuparingapaj llujshijuj angelca, chaishuj angeltaca cashnami nirca: “Calpashpa rishpa, chairalla viñai chai runaman cashna nigri: ‘Ashtaca gentecuna, ashtaca animalcuna tiashcamandami, Jerusalenbica muyundi jatun pircata na rurashpa causanajunga. 5Jerusalendaca, ñucami nina rupajuj muyundi jatun pircashna jarcasha. Ñucaca, punchapamba cajta ricuchingapajmi, paicunapaj chaupipi casha’ nigri” nircami.
6Mandaj Diosca, cashnami nin: “Uyaichi, uyaichi, jahua lado llactamandaca llujshishpa calpaichilla. Ñucami, cai pacha chuscundi ladocunaman, caita chaita cacharcani” ninmi Mandaj Diosca. 7“Babilonia llactapi causaj Sion pueblolla, pacalla llujshilla” ninmi.
8Tucuita Mandaj Diosca, cashnami nin: “Ñucata ninanda alicachishca jipami, canguna ima charishcacunata quichujcunapaj llactacunaman paica cachahuanga. Maijambash cangunata llaquichishpaca, ñuca ricujuj ñavita tujsinshnami llaquichin. 9Chaimandami ñuca maquita alsashpa, paicunataca ñapash llaquichigrini. Paicuna ima charishcacunataca, paicunata servijcunallatami quichushpa apanajunga. Shina rurajpimi, tucuita Mandaj Diosllata ñucata cachamushcata yachanguichi” ninmi.
10Mandaj Diosca, cashnatapashmi nin: “Sionbi causajcunalla, cushijushpa candaichiyari. Ricuichi ñucaca, cangunapajman shamushpami, cangunapaj chaupipi causasha. 11Chai punllapica, ashtaca llactacunamandami Mandaj Dios ñucapajman tandanajumunga. Paicunaca, ñuca agllashcacunami canga, ñucapash paicunapaj chaupimi causasha” ninmi. Chaita ricushpami, tucuita Mandaj Diosllata, cangunapajman ñucata cachamushcata yachanguichi. 12Mandaj Diosca, jucha illaj llactapimi, Judá llactataca paipajlla cachun japinga. Jerusalendapash agllangarami.
13Cai pachapi tucui causajcuna, Mandaj Diospaj ñaupajpica, upalla caichi. Paica, pai causana jucha illaj pushtumandami jatarishca.
Currently Selected:
ZACARÍAS 2: QUII
Highlight
Share
Copy
Want to have your highlights saved across all your devices? Sign up or sign in
Quichua Imbabura Bible © United Bible Societies, 1994.