Ạsuor 24
24
Ogbogh ọdaam mọ
1 #
1 Kọr 10.26
Ade phọ rꞌoomo ạraraar phọ edi bọ ịlo Ọmoogh-we phọ;
aḅirini phọ rꞌoomo awe phọ orugh bọ sịphe phọ ạbuo ọdi,
2ịdi eḍighi bọ ọdi kụ aphighi de phọ ạnyu otu-ḅualhe phọ,
ạḅile aḍighi ịdi ade phọ ẹmeera ạnyu ọphiiny.
3Ạnhian kụ kạsiiny eegbolom iigbia Ọmoogh-we phọ?
Ạnhian kụ kaḍigh sịphe Otu Iigbia phọ ọdi?
4 #
Mat 5.8
Ọlo ạraghaagh ọdi ẹḅaal kụ ạmoogh ogeny ologhi;
ọlo rápoophe ghan uwaloor ọdi kạngo oopho ạraraar,
ḅịle rákunya ghan iikunya iigbegheḍiom.
5Ọdi kụ kạmoogh ḍịseph Ọmoogh-we phọ,
rꞌaruukuan esi Ẹnaan Ọpelia phọ ọdi.
6Bụen phọ kụ oghiil ạbuphe rọwa bọ nyọdi,
bụen kụ rọwa bọ ọmiin aghisigh Ẹnaan phọ ạJekob.
7Ipoophe rụmhu anyina ẹghiom ạnyu, nyina ịnhu-aḍibuo phọ,
kụ ephoophe yogh ẹghiom ạnyu, nyina arughuugh kꞌagee-pọ;
ọdaam arughuenian phọ aḍigh.
8Ạnhian kụ ọdaam arughuenian phọ?
Ọmoogh-we phọ ọpo ạmoogh bọ ịikpo;
Ọmoogh-we phọ kụ ophelegbe ạraagham.
9Ipoophe rụmhu anyina ẹghiom ạnyu, nyina ịnhu-aḍibuo phọ,
kụ ephoophe yogh ẹghiom ạnyu, nyina arughuugh kꞌagee-pọ;
ọdaam arughuenian phọ aḍigh.
10Ạnhian kụ ọdaam arughuenian phọ?
Ọmoogh-we phọ ọpo ạmoogh bọ ịikpo, Ọmoogh-we phọ kụ ophelegbe ạraagham.
Currently Selected:
Ạsuor 24: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS