Ạsuor 16
16
Ịiḅereghi oḍuom-ologhi
1Ẹnaan, ụphel ịmi, mị aḍigh ḍibuo ạna.
2Mị ạḅeni Ọmoogh-we phọ mọ, “Nạ kụ Ẹnaan ạmi.
Nạ múlho bọ ọbo igey ịmi mị́teeny.”
3Bụo igey ạroozo ịsien aḅirini phọ kụ awe Ẹnaan.
Bịdi ọḅaalami ghan ni ologhi ạmi.
4Bụphe oghiil bọ ọghi esi ịnon ạrumugh
rọsighe ghan ịbadibadi ịiḅaghami koruom siloor ạbidi.
Mị káḍighan bịdi ọphinyon ạrikia phọ ạbidi.
Mị kạ́aḅereghi ruru phọ ạbidi.
5Nạ, Ọmoogh-we, kụ abin erua dị mị alhe.
Nạ kụ oomo ịdi mị ạmoogh.
Ịpe idianaan bọ ịmi risigh edi rạghaagh ạna.
6Ạdol phọ nạ useenaan bọ ịmi ẹnighe ni agey;
pọ eeghe ịma ạdol.
7Ọmoogh-we, mị rạseph ghan ni nyịna ọpo urorori ghan bọ ịmi.
Ḍughul aḍughul, ịitughian phọ ạmi rịphur ghan ịmi rụru.
8Mị alegheri ni mọ Ọmoogh-we phọ odi ni rꞌạmi oomo amem.
Ọdi utuman ịmi kụ ịyaar kégboton dọl phọ ạmi.
9Ịduon kụ iḍighi kụ ologhi ạmi ạḅaal li.
Uwaloor ạmi rabo ni. Ịyaar ịmi kíḍighi.
10 #
Iiḍ 13.35
Nạ kụ́wile ịmi ọmar iḍim.
Nạ kámeera aḍizu Oye Aghuḍuul phọ ạna ẹḅor.
11 #
Iiḍ 2.25-28
Nạ kuḍeenaan ịmi eten phọ ẹpe retorori ghan bọ kẹlogh ghuḍum.
Ịduon mị odi bọ rꞌạna, ologhi ạmi ạḅaal li iboom,
kụ rịngo ghan ịmi iboh kꞌagee-pọ.
Currently Selected:
Ạsuor 16: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS