Luk Se kɛ̀ɛ̀tè
Se kɛ̀ɛ̀tè
Sakghɛ Əbjuŋ ka Luke nè Nyakene dine ge Jesus lu mboyse yɛ Feyine nè kaken ge ɛy yî boyse ghele Islael è gese boyse ghel ɛjim ɛ mbi fɛn. Luk dine ge Keyioy Kelanene nè tum Jesus ge əb gwiy è yɛ fekte sakghɛ əbjuŋ se ghele mbee. Luk se dine tenkii ngɛk sɛ ghele yɛ́nen nɛ Jesus chame ɛysen ə ghen. Kenəə kɛ ke nduun ɛ mbiy ɛ ŋwaale fɛn lu ɛysaŋle yɛ Feyine fóon se ghele nɛ ke lu ɛ nchəəy sɛ mbiye sɛ se suŋnen kum ɛygwiy ə Jesus gese lu ɛ nchəəy sɛ kenləysene sɛ se suŋnen kum ɛykok yɛ Jesus nè koken se ɛyyio.
Lu ɛ sakghɛ əbjuŋ fɛn nɛ Luke loote kunte kenəə kɛ kum ɛyjem, nɛ̀ ɛyfɛl ə Keyioy Kelanene, nɛ̀ ɛygiamten yɛ əbkiye nè foon se Jesus ɛ wen ə ɛyfɛl gese nɛ̀ jii yɛ Feyine lɛysen mbeese ghel ɛ ten.
Əbnəə wɛ əb luun ɛ ŋwaale fɛn
Ɛychakte 1.1-4
Ɛ́ fekte ɛybii Joon Nfoo Moo ghene yɛ Jesus 1.5–2.52
Ɛyfɛl ə Joon Nfoo Moo 3.1-20
Jesus fii moo, Satan Momse Wen 3.21–4.13
Ɛyfɛl ə Jesus ɛ Galilee 4.14–9.50
Jesus lòò se Galilee è ndu ɛ Jolesalem 9.51–19.27
Əbwɛye kenləysen nə Jesus ɛ Jolesalem 19.28–23.56
Báàba loole se ɛykuo è din ngeŋ ə wen, è kok se ɛyyio 24.1-53
Currently Selected:
Luk Se kɛ̀ɛ̀tè: oku
Highlight
Share
Copy
Want to have your highlights saved across all your devices? Sign up or sign in
©CABTAL, 2012