NEHEMÍAS 11
11
Jerusalenpi causachun agllashcami
(1 Cr 9.1-34)
1Llajtata mandajcunaca Jerusalenpimi causarcacuna. Shujtajcunaca Diospajlla caj Jerusalenpi maijanlla causana cashcata ricushpa apangapajca cada chungamanta shujtami sortearcacuna. Caishuj iscunca shujtaj pueblocunapimi causarcacuna. 2Maijancunaca quiquin munaimanta Jerusalenpi causasha nijpimi, tucuicuna chaica allimi nircacuna. 3Prezu apashca cashcamanta tigramujcunaca maijan israelcunapish, curacunapish, levitacunapish, Diospaj huasi ucupi imata rurajcunapish, Salomonpajta rurajcunapaj huahua huahuacunapish Judapi tiyaj pueblocunapimi paicunapaj quiquin allpa cashcallapitaj causai callarircacuna. Llajtata mandashpa Jerusalenpi causajcunaca caicunami.
4Judapaj, Benjaminpaj maijan huahua huahuacunaca Jerusalenpimi causarcacuna. Judapaj huahua huahuacunaca caicunami: Ataiasca Uziaspaj churimi. Uziasca Zacariaspaj churimi. Zacariasca Amariaspaj churimi. Amariasca Sefatiaspaj churimi. Sefatiasca Mahalaleelpaj churimi carca. Tucui paicunaca Farespaj huahua huahuamantami carca. 5Maasiasca Barucpaj churimi. Barucca Colhozepaj churimi. Colhozeca Hazaiaspaj churimi. Hazaiasca Adaiaspaj churimi. Adaiasca Joiaribpaj churimi. Joiaribca Zacariaspaj churimi. Zacariasca Silonipaj churimi carca. 6Farespaj huahua huahuacunamanta Jerusalenpi causangapaj saquirij macanacunata alli yachaj runacunaca 478mi carca.
7Benjaminpaj huahua huahuacunaca caicunami: Saluca Mesulampaj churimi. Mesulamca Joedpaj churimi. Joedca Pedaiaspaj churimi. Pedaiasca Colaiaspaj churimi. Colaiasca Maasiaspaj churimi. Maasiasca Itielpaj churimi. Itielca Jesaiaspaj churimi carca. 8Paipaj catica Gabaipish, Salaipishmi carca. Tucuimantaca 928mi carca. 9Zicripaj churi Joelca tucui paicunata mandajmi carca. Senuapaj churi Judaca Jerusalenpi causajcunata q'uipa mandajmi carca.
10Curacunamantaca caicunami: Joiaribpaj churi Jedaías, Jaquinpish, 11Hilciaspaj churi Seraías. Mesulampaj churi Hilcías. Sadocpaj churi Mesulam. Meraiotpaj churi Sadoc. Ahitobpaj churi Meraiotmi carca. Ahitobca Diospaj huasipi imatapish rurajcunata mandajmi carca. 12Paicunapurallatajmi Diospaj huasipi imatapish rurajcuna carca. Tucuimantaca 822mi carca. Jerohampaj churi Adaías. Pelaliaspaj churi Jeroham. Amsipaj churi Pelalías. Zacariaspaj churi Amsi. Pasurpaj churi Zacarías. Malquiaspaj churi Pasurmi carca. 13Paicunapurallatajmi cada quiquin familiata mandajcuna carca. Tucuimantaca 242mi carca. Azareelpaj churi Amasai. Azaipaj churi Azareel. Mesilemotpaj churi Azai. Imerpaj churi Mesilemotmi carca. 14Paicunapura caishujcunaca macanacunata alli yachaj runacunami carca. Tucuimantaca 128mi carca. Paicunata mandajca, Gedolimpaj churi Zabdielmi carca.
15Levitacunamantaca: Hasubpaj churi Semaías. Azricampaj churi Hasub. Hasabiaspaj churi Azricam. Bunipaj churi Hasabías, 16Sabetai, Jozabadpishmi carca. Paicunaca Diospaj huasi canllapi imalla rurana cashcata ruraj levitacunata mandajcunami carca. 17Micaiapaj churi Matanías. Zabdipaj churi Micaía. Asafpaj churi Zabdimi carca. Asafca cantajcunata pushaj, Diosta mañana horas Diosta pagui nishpa cantachishpa callarichijmi carca. Bacbuquiasca punta huauquipaj q'uipami carca. Samuapaj churi Abda. Galalpaj churi Samúa. Jedutunpaj churi Galalmi carca. 18Diospajlla pueblopica levitacunaca tucuimantaca 284mi carca.
19Pungupi cuidajcunaca Acubpish, Talmonpish paicunapura caishujcunandijca tucuimantaca 172 cuidajcunami carca.
20Caishuj israelcunaca curacunapish, levitacunapish, Judá llajtapi tiyaj shujtaj pueblocunapimi paicunapaj quiquin allpacunapi saquirircacuna.
21Diospaj huasipi Diospajta rurajcunaca, Ofelpimi causarcacuna. Diospaj huasipi Diospajta rurajcunata pushajcunaca Ziha, Gispa shuticunami carca. 22Jerusalenpi causaj levitacunata mandajca Banipaj churi Uzimi carca. Banica Hasabiaspaj churimi. Hasabiasca Mataniaspaj churimi. Mataniasca Micaiapaj churimi. Tucui paicunaca Asafpaj huahua huahuacunami carca. Paicunaca Diospaj huasipi ima shina rurana cashca shinallataj cantajcunami carca. 23Cantajcuna cada punlla ima shinalla rurana cashcataca jatun mandaj mandashcami tiyarca.
24Judá llajtamanta caj Zerapaj huahua huahuacunamanta Mesezabeelpaj churi Petaiasca, jatun mandaj imata nishcata, judiocunaman huillaj, judiocuna imata nishcata jatun mandajman huillajmi carca.
Shujtaj llajtacunapipish causashcami
25Judapaj huahua huahuacunamanta maijancunaca Quiriat-arbapi chai muyundij llajtacunapipish, Dibonpi chai muyundij llajtacunapipish, Jecabseelpi chai muyundij llajtacunapipish, 26Jesuapi, Moladapi, Bet-peletpi, 27Hazar-sualpi, Beersebapi chai muyundij llajtacunapipish, 28Siclagpi, Meconapi chai muyundij llajtacunapipish, 29En-rimonpi, Zorapi, Jarmutpi, 30Zanoapi, Adulampi chai muyundij llajtacunapipish, Laquispi chai muyundij allpacunapipish, Azecapi chai muyundij llajtacunapipishmi causarcacuna. Paicunaca Beersebamanta callarishpaca Hinom pugru pambacamami causarcacuna.
31Benjaminpaj huahua huahuacunaca Gebamanta callarishpaca Micmaspi, Aiapi, Bet-elpi, chai muyundij llajtacunapi, 32Anatotpi, Nobpi, Ananiaspi, 33Hazorpi, Ramapi, Gitaimpi, 34Hadidpi, Seboimpi, Nebalatpi, 35Lodpi, Onopi, imatapish ruranata yachajcuna causana pugru pambacamami causarcacuna.
36Maijan levitacunaca Judapaj, Benjaminpaj llajtacunapipishmi causarcacuna.
Currently Selected:
NEHEMÍAS 11: QCHI04
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.