Mataio 6
6
1WÂ eâu, ke ca he ka ânyâ hwakecibun ae wisa hnyi hnyimakan tavat hnân bi wânödra: wâ e nye ba but hwaböbun ûnyi ge Kamöbun ethö hnyi drany.
2Anyin a wale u ka be ka ham ta je betenge, ca tûâ khoto hnyi hnyimâkâm, helâ me man tavat thoi hnyok hnyi je sunago me ta je gethen, me me he ka haisoi ödra hnen tavat. E hnathu inya oge me ha köbun, adre hia but kap hwabödra. 3Ke u ka he bi ka ham ânyâm betenge, e so e ca he hnyamâm a mem ka wâ ûnyi ame mâdrâ hnyamâm a metâm: 4me me iyong hnâm hna ham betenge: me haba Kâmâm at ame wâ hnyi dok ae iyong ame he ka bi hwaban köu.
5Ke öbun ka he ka hic, e so öbun e ca helâ me tavat thoi hnyok: anyin e senem kodra he ka tot me hic hnyi ta je sunago me vheden ta je gethen, me me haisoi ödra hnen tavat. E hnathu inya oge me ha köbun, adre hia but kap hwabödra. 6Ke haba u, u ka he âu ka hic, didrut ka hnyi hnyeulem, eiö hnyin uma, ke u ka hia but hlöng hwanuma, hic ju ka Kâmâm hnyi dok ae iyong, ke ame he Kâmâm at ame wâ hnyi dok ae iyong ka bi hwaban köu. 7Ke öbun ka he ka hic ca labö ha thiju ke hofuc a khaca, helâ me hna ânyâ hnen Aten ke je hnyei: anyin adre me ûnykûme a gʼ adre me he ka ling ödra ûnyi ge hnödra hna osehia ha. 8Anyin a wale, ca he öbun ka helâ mödra: anyin ae khana bi Kamöbun ta je ûnyi öbun e weny hnyi ûen a öbun tiga ca sumâtâ kâu. 9Waleling, mʼ öbun e he ka hic helâng, ka habe, Kamöhmun lö, ethö hnyi drany, E so e kap iâm. 10E so e o but dokhom dokhu. E so adre me ânyâ wem eang hmeledrany e me ûcû me ethö hnyi drany. 11Ham but kohmun hnyi bong ang jeû ae ûcû kohmun. 12Thang ut ta je monu gahmun, helâ me hnöhmun hna thang ut ta je monu gadra adre me okongu ohmun. 13Ca hum ohmun ka hnyi ûcûbic, ke so bi hûgûnʼ ohmun dut ûnyi hnyi hulö. 14Anyin a öbun e ne thang ut ge tavat hnödra je hna hanyâûâ me ame he Kamöbun ethö hnyi drany ka thang hnobun hna hanyâûâ. 15Ke öbun e ne ca thang ut ge tavat hnödra je hna hanyâûâ, me ame ca he bi Kamöbun ethö hnyi drany ka thang ut hnobun je hna hanyâûâ.
16Ke haba khaca, öbun ka he ka ânyâ ca han, ca helâ bi me man tavat thoi hnyok ae hmak hnyimakodra: anyin adre me okongoâ je hnyimakodra me me manen dut ka tavat a adre me ca han. E hnathu inya oge me ba köbun, ka habe, Adre hia but kap hwabödra. 17Ke haba u, u ka he ka ânyâ ca han, hneû but bâm, ke ânyâwia hnyimâkâm; 18me me ca manen ka at a u me ca han, ke so bi ka Kâmâm hnyi dok ae iyong: me ame be Kâmâm, at ame wâ hnyi dok ae iyong, ka bi hwaban köu.
19Ca ip hobi köbun tang omjeû eang hmeledrany, ae hu nokon walelaba me viiny he ka ohia, wale dok ae hu at venöu hnyin adre me he ka kia me venâu: 20ke so bi ip ju hobi köbun tang omjeû ethö hnyi drany, dok ae ba nokon walelaba me viiny he ka an, ke ba minya at venöu ame he ka kia me venâu: 21anyin a haba dok ame mokut hnyin tang omjehem, me ame he ka e bi minya hnyekom. 22Haba ecmak, me lamepainy unyin: anyin a wale a ne bwele emâkâm, me ame he bi ka tha melam, hia unyâm. 23Ke e ka kong emâkâm, me ame he ka tha menekholom hia but unyâm. Anyin a wale, e ka lit ut melam gam, shaiba ge kabmēn menekholom eling! 24E ba at ae khana be ka athnyabainy li tuhan a lo: anyin a e ame he ka hûkötiâ khaca me weny khaca; kʼ ame ne be ka kece ka khaca me hociâ khaca. E ca khanʼ öbun he ka bi athnyabainy Khong me mamona. 25Anyin a wale, inya oge me ha köbun, ka habe, Ca ûnykûme ûjengoâ hnân hobi kâu anyibun möt, wale ge hnobun hna he ka han me ic; ke unyibun, wale ge hnobun hna he ka khavâ. Hawa, e ca beönua möt hon jeû, me unyin hon ûkhaû? 26Ûnykûme ju omeno ame gâ ethö, adre me ca hnyi belök me menu, me ip jeû hnyi je omhani; kʼ ame ha ö ʼdra Kamöbun ethö hnyi drany. Hawa, öbun ca ûnyi hnathu hudrin? 27Ke ie at gabun ame ûnykûme ûjengoâ ae khana he ka bi hanen kubit a khaca ka hnyi ibeûen? 28Ke ieû gabun öbun e ûnykûme ûjengoâ ka hnyi ûkhaû? Ûnykûme ju ûkûen ta je ibedila; wale a ca hnyi huliwa me amo: 29ke so bi inya oge me ha köbun a haba Solomona hnyi anyin hmanenang hia ame ca theibâ bi helâe. 30Ke a ne khavâ Khong hnyot helâe a e hnyi bong ang, ke nyi adre me he ka khûâ but ka hnyi wahnainyâ, hawa, e ca ûnyi hnathu kâu he ka khaûʼ öbun, öbun hnyat a labageju ûhnyûkong? 31Anyin a wale ca ûnykûme bi me ha, ka habe, Ieû ate me he ka an? ke, Ieû ate me he ka ijem? ke, Ieû ate me be ka khavâ? 32Anyin ame elâm hnen Aten ke je hnyei ta je ûnyi e; ke e khana Kamöbun ethö hnyi drany ae ûcû köbun ta je ûnyi e. 33Ke böbun he ka elâm dokhon dökhu, me hwakecin ae wisa; ke adre me he minya ka ham köbun ta je ûnyi e. 34Anyin a wale ca ûnykûme ûjengoâ bi ge bong nyi: anyin a hamen bong nyi he ka ûnykûme gan bi. E ûcû thibi bong me anyin monu.
Currently Selected:
Mataio 6: IAAI
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society