Mataio 3
3
1HNYI je bong eling ame o thö Ioane Bapataiso kʼ ame khetâ hofuc hnyi hnyebuba hnyi Juda, 2haingen ka habe, Ietra ju öbun; anyin ae hakekeny jut dokhon drany 3Anyin a e at a ha gan Isaia perofeta, haingen, ka habe,
Ifucin at ame hongot hnyi hnyebuba, ame ha, ka habe,
Penapena ju gethen deny Than,
Owisa thö deny ta je gethen.
4Ke haba Ioane ame khavâ ûkhaû a leûnen kamela, kʼ ame ca hnyekon ge wen a unen meno; ke haba hing an jeû me hamon me haniiny hnyot. 5Me ame he but kâu Jerusalema, me Juda hia thithö, me ke keihen hnyei hia hakekenyâ Joridano; 6ke e ame bapataisoi ödra hnyi wagewe Joridano, adre me omanenâ anyidra ta je monu. 7Ke hnyi ûen e ame wâ ta je Faresaio me ta je Sadukaio ae se hia adre me o but ka hnyi anyin bapataiso, me e ame ha kodra, ka habe, Je lakon on lö, ia koû köbun mʼ öbun e he ka kec ge hmonyin ame he ka o? 8Wa but öbun wan ae ûcû me ietra: 9ke ca ûnykûme he ka ha eû hnyi je hnyekubun, ka habe, Aberahama kamöta: anyin oge me ha köbun e khana Khong he ka okûâ lakon kö Aberahama ûnyi hnyi je veto ang. 10Adre hia but walang ang ip giwa hnyi hwecin ta je ûö: haba ta je ûö hia ame ca wa so, me adre ma sö degecâ me khûâ ka hnyi meic. 11Haba inya oge me bapataisoi öbun ge köiö ka hnyi ietra: ke haba at ame he jem hotuk ae beönua huk, ae ca ûcû nya bi he ka hom taben li hnyeûcan: e ame he ka bapataisoi öbun ge Hanu Kap me meic: 12e bi hnyi hnyamen anyin ut, ke e ame he ka ânyâwia hwit hnyi hnen hna huje hwit; ke e ame he ka ûkhöunâ anyin hwit ka hnyi omhani, ke e ame he ka thong thatûnyin hwit hnyi meic ame ca mok balua.
13Haba Jesu ame he but ûheny Galilaia Joridano ai ko Ioane, e me he ka bapataisoâ e. 14Ke haba Ioane ame bethawâ e, me ha, ka habe, E so u me he bi ka bapataisoi nya, ke u me he but könya? 15Ke Iesu ame thu me ha kâu, ka habe, Më kap ju walang ang: anyin ae ûcû köta he ka hnu hoton hia thithö hwakecin ae wisa. Me e ame long kâu. 16A hia but bapataisoi Iesu, me e ame ölö thö ûheny hnyi köiö: ke wâ bi adre me khong ut kâu drany, ke e ame wâ Hanon Khong ame gâ but kâu helâ me biny, me o hnyi hon; 17ke wâ bi ke hwan ûnyi hnyi drany, ame ha, ka habe, Walang Nokuk a oûnykûmik, at oge me ti senyin gan.
Currently Selected:
Mataio 3: IAAI
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society