Mathliyu Labar Ata Kəra Kakaɗə Ni
Labar Ata Kəra Kakaɗə Ni
Mdə na rəbutə kakaɗə ngəni msəra ni an Mathliyu. Tsa an mdər Yahudi, pal akwa nca mjirthlipər Yesu.
Labar Na Msəra Tə Mathliyu Rəbutə Ni akwa pəla abbər Yesu an Almasihu, watau Kuthli, tə mdə hara alkawalari akwa Alkawal Maɗiya ni, natə mjir Yahudi akwa səkari abbər tsa akwa si ni. Kakaɗə ngəni ku zwarəngkər vərasayeri hang ar naɓikur na akwa Alkawal Maɗiya ni, kamnyar ncantə laku tə Yesu nghyaɓəla naɓikurayeri ni. Tsuwa Kakaɗə ni ku ncaɓəla laku tə Yesu səɓəla akwa nyarmbwar Ibrahim. Tsuwa Kakaɗə ni ku pəla ka hang abbər Yesu ni Ɓzər Dauda, watau Yesu ku si ka olkur ar Almasihukur kalkal apatə mjir Yahudi dlu akwa ɗəffa ɗa ni. Wala tə mdə ɗəmhə labar ngəni msəra ni dzak kamnyar mjir Yahudi, labar na msəra ar Yesu ni an kamnyar shanga mjir duniya, na ntangkəma mjir Yahudi, kambəla dur gapani. Tsuwa Kakaɗə ngəni ku ngkərɓəla ata bəbal abbər Yesu an maləm na ola natə thlipərni ka gariyirni ku ncanta abbər tsa ka dunar kuthlikur, har ka təramta Musa.
Akwa kakaɗə ngəni, mdə ndəkəi thlipər Yesu ni akwa bwa ol'ola ntəfu. Na ntangkəma an thlipər Yesu ata kəra gar, na ncaɓəla laku tə kalkal ka mjir Hyel ndzi akwa (bwa 5-7). Na suɗkur an thlipərni ata kəra laku tə ka mdər kəthlər hara kəthlər arni akwa (bwa 10). Na makərkur an thlipə tə tsa hara akwa karapwayeri zumzum ata kəra kuthlikur ar Hyel (bwa 13). Na nfwarkur tsuwa an thlipayeri zumzum ata kəra halayeri tə kalkal ka mjir nu ni ndzi kəgari (bwa 18). Ka tsuwa na ntəfkur, an ata kəra zaman na akwa tsikərari, ka jili suayeri na ata sə hara akwa saka ndaga (bwa 24-25).
Suayeri Na Akwa Kakaɗə Ni
Dur ar Yesu Kristi, ka yaɓəladzərni - 1:1-2:23
Ngkər Labar Hyel tə Yahwana na mdər hara Baptizma ku hara- 3:1-12
Baptizma tə mdə hara aka Yesu ka ngkərtədzə na wutə ni 3:13 - 4:11
Kəthlər ar Yesu akwa tsəɗi Galili 4:12-18:35
Thlatə Yesu ahar Galili ka mwari ahar Urushalima - 19:1-20:34
Kəthlər na aghəlta shang tə Yesu hara akwa Urushalima 21:1-27:31
Mdə ku kukwamta Yesu, ka mtərni 27:32-66
Thlatər Yesu akwa mtəmta, ka laku tə tsa ncantə kərni aka mji - 28:1-20
Currently Selected:
Mathliyu Labar Ata Kəra Kakaɗə Ni: KNB
Highlight
Share
Copy
Want to have your highlights saved across all your devices? Sign up or sign in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.