ZEFANIYA 3
3
1ZIRIMUBONA ogu owebwereme kandi asisikaire, orubuga orurukwendereza! 2Atahu're iraka: ataikiriza okubonabonesebwa; atesige MUKAMA; atai're haihi Ruhangawe. 3Abakurube hagatiye ntale ezirukububura; abacwibe abemisango ndumbizi ezekiro; tibagasa kantu okusiisa obuire. 4Banabibe bantu bencwangya kandi abahyangya: banyakatagarabe basisire harukwera, bagirire ebiragiro itima. 5MUKAMA hagati yarwo nuwe ahikirire; talikora okutahiki'ra; bukyabukya, asuku'ra ebyobulyobye, tarukulemwa; baitu abatali bokuhiki'ra tibarukumanya ensoni. 6Mazireho amahanga, enkomera zabu zisigirwe; nfoire engudo zabu ebitongo, busaho ahinguireho: embuga zabu zihwerekereire, tiharoho muntu, tiharoho owokukikaramu. 7Nagamba nti Mazimakwo olintina, oliikiriza okugambi'rwa; nukwo enjuye eyokuikaramu ereke okumarwaho, nka byona okubiri ebinahunuire namberali: baitu bakazinduka okuimuka nokusisa engeso zabu zona. 8Nukwo mulinde nyowe, agambire MUKAMA, okuhikya ekiro eki obundiimukira omuhigo: baitu malirire okusoroza amahanga, nsoroze obukama, mbaseseho okubihirwa kwange, ekiniga kyange kyona ekyamani; baitu ensi yona eryokebwa nomu'ro ogwihali ryange. 9Baitu nubwo ndihindu'ra amahanga orulimi orusemire,bona bakunge ibara lya MUKAMA, okumuko'ra nomutima gumu. 10Okuruga nseri yebyambu bya Esyopiya abo abanyesengereza, omuhara wabantu bange abararangira balireta ekihongwa kyange. 11Omu kiro eki iwe tolikwatwa ensoni habwengeso zawe zona, nkokuwansisiraga: baitu nubwo ndiiha hagati yawe abawe abarukwenyumiza nemyembo, kandi taligaruka okuba nemyehembo omu rusozi rwange orurukwera. 12Baitu ndisiga hagati yawe abantu abobujune kandi abanaku, kandi balyesiga ibara lya MUKAMA. 13Abaisareri abalisigaraho tibalikora okutahiki'ra, nobukwakuba okubiha ebisuba; norulimi orwobugobya tirulizoka omu kamwa kabu: baitu balirya, balibyama, kunu busaho alibatinisa. 14Zina iwe omuhara wa Sayuni, mutoke inywe Isareri; semererwa, okyanganuka nomutima gwona, iwe omuhara wa Yerusalemu. 15MUKAMA aihireho emisango yawe, abingire omunyanzigwa wawe; omukama wa Isareri, MUKAMA, ali hagati yawe: toligaruka okutina akabi. 16Ha kiro eki kirigambirwa Yerusalemu ngu Otatina: Iwe Sayuni emikono yawe etakwatwa obugara. 17MUKAMA Ruhanga wawe ali hagati yawe, alikukyanganukiraho nokuzina. 18Ndisoroza abo abarukuganya habwokuso'rokana okwatairweho, abakaba bali bomuliwe: obulemezi abakaba bali bomuliwe: obulemezi obukaba buli halirwo bwaba ekijumo namberebali: 19Dora, omu biro ebi ndijunaniza abo bona abakubonabonesa: kandi ndijuna ogu arukucumbagira, ninsoroza ogu ayabingirwe; kandi ndibafora ekyokukugizibwa kandi ibara, abo abakwasirwe ensoni omu nsi zona. 20Omu biro ebi ndibatahyamu, kandi omu biro ebi ndibasoroza: baitu ndibafora ibara nekyokukugizibwa omu mahanga gona agahansi, obundiga'ra abawe abasenguirwe omu maiso ganyu, agambire MUKAMA.
Currently Selected:
ZEFANIYA 3: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.