ZAKALIYA 6
6
1KANDI nagaruka okuimukya amaiso gange, narora, kandi dora, harugayo egali ina hagati yensozi ibiri; kandi ensozi zikaba ziri ensozi zemiringa, 2Ha gali eyokubanza hakaba haroho embarasi, ezengaju: 3na ha gali eyakabiri embarasi ezamabamba. 4Nubwo nagarukamu nagambira maraika ayabalize nanyowe nti Zinu nki mukama wange? 5Maraika yagarukamu yangambira ati Ezi niyo miyaga ena eyiguru, erukuruga okweme’ra omu maiso ga Mukama wensi zona. 6Egali enyakuroho embarasi ezirukuiragura negenda hali ensi eyobukizi bwemoso, nezirukwera zaturuka zazihondera; nezamabamba zaturuka zagenda hali ensi eyobukizi bwobulyo. 7Nezakisakisaku zarugayo, zase’ra okugenda zigendegende omu nsi: yagamba ati Muruge hanu, mugendegenda omu nsi. Nukwo zagendagenda omu nsi. 8Nubwo yanyami’ra nangambira ati, Ezi ezigenda hali ensi yobukizi bwemoso ziculire omwoyo gwange omu nsi yobukizi bwemoso.
9Ekigambo kya MUKAMA kyaija namberendi ngu 10Iha hali abo abasenguirwe, aba Heridai, naba Tobiya naba Yedaya; naiwe oije ha kiro eki, otahe omu nju ya Yosiya mutabani wa Zefaniya, nambere baizire abarugire Baburoni; 11ego, iha nambere bali efeza nezabu, okole ekondo, ozite ha mutwa gwa Yosuha mutabani wa Yehozadaki nyakatagara wabu; 12omugambire oti Nukwo agambire MUKAMA wamahe ati Dora, omuntu ibaralye Itagi; kandi alimera omu kiikarokye, kandi alyombeka yekaru ya MUKAMA: 13nuwe alyombeka yekaru ya MUKAMA; kandi ogu alibaho ekitinisa, aliika'ra ha kitebekye nalema, kandi aliba nyakatagara ha kitebekye: kandi okuhunura ebyobusinge kuliikara hagati yebi byombi. 14Nekondo ezi zirabaga za Heremu, na Tobiya na Yedaya na okuba ekiijukyo omu yekaru ya MUKAMA. 15Nabo abali hara muno baliija balyombeka omu yekaru ya MUKAMA, kandi mulimanya ngu MUKAMA wamahe antumire namberemuli. Kandi eki kirihika, obumulyekamba okuhu'ra iraka erya MUKAMA Ruhanga wanyu
Currently Selected:
ZAKALIYA 6: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.