ZAKALIYA 2
2
1NIMUKYA amaiso gange, narora, kandi dora, omusaija anyina orukoba orurukulenga omu mukonogwe. 2Nubwo nagamba ati Nogenda nkaha? Yangambira ati Ok lenga Yerusalemu, okurora okugaliha kwayo okukuli, nokuraiha kwayo okukuli. 3Kandi dora, maraika akaba nabaza nanyowe yaturuka, kandi maraika ondi yarugayo okumutangi’ra, 4yamugambira ati Iruka ogambire ogu oti yerusalemu eriikarwamu nkebika ebitanyina orugo, habwa Bantu baingi nente nyingi abalibamu. 5Baitu, MUKAMA agambire ati nyowe ndabaga namberali nkorugo rwomu’ro ha mbuju zona, kandi ndabaga ekitinisa hagatiye. 6Muije, muije, muiruke okurugayo omu nsi yiobukizi bwemoso, agambire MUKAMA: baitu mbunjaire hona nkemiyaga ena eyiguru, agambire MUKAMA. 7Ija Sayuni oiruke, iwe arukuikara nomuhara wa Baburoni. 8Baitu nukwo agambire MUKAMA wamahe ati Habwekitinisa antumire hali amahanga agakunyagire, baitu wena akora haliwe buli akozire ha mboni yerisolye. 9Baitu dora, nditengesa omukono gwange namberebali, kandi balifoka eminyago hali abo ababako’raga: kandi mulimanya ngu MUKAMA wamahe nuwe antumire. 10Zina osemererwe, iwe omuhara wa Sayuni: baitu dora, ninyija, kandi ndaikaraga omuliwe hagati, agambire MUKAMA. 11Namahanga maingi galiterana na MUKAMA ha kiro eki kandi baliba abantu bange: ndaikaraga omuliwe hagati kandi olimanya ngu MUKAMA wamahe antumire namberoli. 12Kandi MUKAMA aligwetwa Yuda nkomugabogwe omu nsi erukwera, kandi aligaruka okukomamu Yerusalemu. 13Muculere inywe abanyina omubiri, omu maiso ga MUKAMA: baitu asisimukire omu ekiirukwera.
Currently Selected:
ZAKALIYA 2: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.