MIKA 4
4
1BAITU omu biro bya hanyuma kirihika, orusozi orwenju ya MUKAMA ruligumibwa eruguru omu nsozi, kandi rulinyumizibwa okukira obusozi, nabantu baliruge'ramu. 2Namahanga maingi galigenda nigagamba ngu Muije tugende, tutembe orusozi rwa MUKAMA, nomu nju ya Ruhanga wa Yakobo; nuwe alitwegesa ha mihandaye, naitwe turagenderaga omu mpendaze: baitu omu Sayuni nuho haliruga ebiragiro, nekigambo kya MUKAMA kiriruga Yerusalemu. 3Kandi alicwa emisango omu mahanga agamani aga hara; balihesa busitama zabu okuba nfuka, namacumu gabu okuba ebisalizo: ha ihanga, kunu tibalyegesebwa obundi okurwana. 4Baitu baliikara omuntu wena hansi yomutinigwe; kunu tihalibaho alibatanisa: baitu akanwa ka MUKAMA wamahe kagambire eki. 5Baitu amabanga gona nigagenderaga omu ibara lya MUKAMA Ruhanga waitu ebiro nebiro.
6Ha kiro eki, nukwo agambire MUKAMA, ndisoroza omuhara ogo acumbagira, kandi ndireta ogu abingirwe, nogu ounasalize nobujune; 7ndifora ogu ayacumbagire ekicweka ekisigaraho, nogu ayabingirwe ihanga eryamani: kandi MUKAMA arabalemeraga ha rusozi Sayuni okuruga hati okuhikya ebiro nebiro. 8Naiwe orukomero orwigana, orusozi orwomuhuhara wa Sayuni, kulihika namberoli; ego, okulema okwaira kuliija, obukama obwomuhara wa Yerusalemu. 9Nubwo kiki okunga muno? omuliwe tiharumu omukama? omuhanuzi wawe abuzire, baitu ebisa bikukwasire nkebyomukazi arukuzara? 10Salirwa, rumwa, iwe omuhara wa Sayuni, nkomukazi arukurumwa okuzara: baitu hati bunu olituruka omu rubuga, olirara, omu kisaka, olihika Baburoni; nuho olicungura omu mukono gwabanyanzigwa bawe. 11Kandi hati bunu amahanga maingi gesoroize namberoli, agagamba ngu Leka bamusise, eriso lyaitu lirole okwegomba kwalyo ha Sayuni. 12Baitu tibamanyire ebitekerezo bya MUKAMA, kunu tibarukwetegereza amagezige: baitu abasoroize nkembiba byengano ha rubuga orwokuhu'raho. 13Imuka ohule, iwe omuhara wa Sayuni: baitu ndifora ihembe lyawe lyekyoma, nebigere byawe ndibifora byemiringa: kandi olicwacwana abantu bangi: itungo lyabu olirisoro'ra MUKAMA, nebintu byabu olibisoro'ra Mukama wensi zona.
Currently Selected:
MIKA 4: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.