MATAYO 3
3
1OMU biro ebi Yohana omubatizi akaija natebeza omu irungu erya Buyudaya, 2nagamba ati Mwegarukemu; baitu obukama obwomu iguru bumalize okuhika. 3Baitu nuwogu nabi Isaya ouyagambireho ati,
Iraka lyogu anyakwami’ra omu irungu,
Musemeze ikute lya Mukama,
Mugo’re emihandaye. 4Kandi Yohana wenka yajwaraga ekyokujwara ekyebyoya ebyengamira, nayetegesa orukoba orworuhu omunda; nebyokulyabye nzige nobwoki obwokulyabye nzige nobwoki obwomu kisaka. 5Kandi, Yerusalemu na Buyudaya bwona nensi yona ehe’raine Yorudani barugayo, nibaija nambereli, 6babatizibwa uwe omu omu kyambu Yorudani, nibagamba ebibi byabu. 7Baitu obuyaboine Abafalisayo baingi Nabasadukayo baingi nibaija oku batizibwa uwe, yabagambira ati Inywe abana benjoka, noha yahabuire inywe okuiruka ekiniga ekirukugenda kuija? 8Nukwo mwane ebyana ebisemerire okwegarukamu: 9mutatekereza okugamba omu mituma yanyu ngu Tuyina Iburahimu nuwe isenkuru itwe; baitu nyowe nimbagambira nti Ruhanga nasobora omu mabale ganu okuimukiza Iburahimu abaijukuru. 10Kandi hati bunu empango etairwe ha kikoro kyemiti: nukwo omuti gwona ogutarukwana byana ebisemire guratemwa, guranagwa omu mu’ro. 11Nyowe nimbabatiza na maizi omu kwegarukamu, baitu ogu arukuija enyuma yange nankira amani, nenkaitoze tindukuseme’ra okuzikwata: ogu alibabatiza omu Mwoyo Ogurukwera nomu’ro: 12orugalirwe duli omu mukonogwe, kandi alisemereza kimu orubugarwe; alisoroleza oburabwe omu nguli,kandi ebisunga alibyokya omu mu’ro ogutarukurara.
13Kandi Yesu akaruga omu Galiraya, yataha Yorudani, Yohana namberali, abatizibwe uwe. 14Baitu Yohana akaba nayenda okumuhinda, nagamba ati Nyowe nines’ra okubatizibwa iwe, naiwe noija namberendi? 15Kandi Yesu yagarukamu namugambira ati Ikiriza hati bunu, baitu nukwo kituseme’ra kiti okuhikiriza okuhiki’ra kwona. Nubwo yamuikirize. 16Kandi yesu, obuyamazire kubatizibwa, ahonaho yaruga omu maizi, dora, iguru likamwesuku’ra, yarora Omwoyo gwa Ruhanga nugusirimuka nkeriba, nigutaha haluwe; dora, niraka likaruga omu iguru; 17nirigamba ngu Ogu nuwe Mwana wange oundukugonza, ounsemererirwe muno.
Currently Selected:
MATAYO 3: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.