MATAYO 12
12
1KANDI omu biro ebi, Yesu akaraba omu misiri eyoburo ha kiro kya sabiti: abegeswabe okucwa entwe zoburo, nokulya. 2Kandi bafalisyo obubaboine bamugambira ngu Dora, abegeswabawe bakozire ekitali kyebiragiro okukora ha Sabiti. 3Nauwe yabagambira ati Timukasomaga Daudi ekiyakozire, obuyarumirwe enjara, nabakaba ayinabo; 4okuyatahire omu nju ya ruhanga, nalya emigati eyokwoleka, ekitali kyebiragiro okugirya uwe, nobubakuba abakaba ayinabo, rundi banyakatagara bonka? 5Rundi timukasomaga omu biragiro, banyakatagara omu yekaru, ha kiro kya sabiti Okubasisa sabiti, kandi tibaroho musango? 6Baitu nimbagambira nti Hanu haroho arukukira yekaru obukuru. 7Kuba mumanyire amakuru ga kinu ngu Ninyenda embabazi, tibiri byonzira, timwakuhenderire abataroho musango. 8Baitu Omwana womuntu nuwe Mukama wa Sabiti.
9Yarugayo, yataha omu iso’rokaniro lyabu: 10dora, hakaba harumu omuntu anyina omukono ogwpmere. Bamukaguza nibagamba ngu Kirungi okukiza omuntu ha kiro ekya Sabiti bamulege. 11Yabagambira ati Araha omulinywe anayakuina entama emu egwire omu kina ha kiro ekya Sabiti, ata ligikwata okugyihamu? 12Omuntu takira muno entama? Nikyo kirungi okukora okurungi ha kiro ekya Sabiti. 13yagaruka nagambira omuntu ogu ati Go’ra omukono gwawe. Yagugo’ra, gwakira, nugusisana nkogwakabiri. 14Baitu Abafalisayo baturuka nibamugambirana ensita okubaramuhwerekereza. 15baitu Yesu obuyamanyire yarugayo; abantu baingi nibagenda nauwe; 16yabakiza bona, nabatere’ra batamurangana, 17Kihiki’re ekyagambire Isaya nabi ngu
18Dora, omwana wange ounakomeremu;
Oudukugonza, arukunsemeza Omwoyo gwange:
Ndimutaho Omwoyo gwange,
Aligambira Abamahanga ebyomusango.
19Talikungana, talitera bwogo,
Kandi busaho muntu alihu’ra irakalye omu makute.
20orubingo orwatikire taliruhenda,
Nekibugo ekicucuka talikiraza,
Okuhikya obwalituma ebyobulyo okusingura,
21Nibaralye Abamahanga balirinihira.
22Nubwo baleta namberali omuntu ayakwasirwe omuzimu, afire amaiso nakanwa, yamukiza. Ogu akaba afire akanwa yabaza narora. 23nebitebe byona byanuwe Mwana wa daudi? 24Baitu Abafalisayo obubahulire bagamba ngu Ogu tarukubinga mizimu, rundi habwa beerezebuli omukuru wemizimu. 25Uwe amanyire ebitekerezo byabu, yabagambira ati Obukama bwona obunyakubaganizibwamu bwonka buhwaho, norubuga rwona rundi enju enyakubaganizibwamu teriikaraho: 26na setani obwaraba na binga setani abaganizibwamu wenka; nobukamabwe buliikaraho buta? 27Kandi nyowe obundaba nimbinga emizimu habwa beerezebuli, abana banyu biginga habwoha? Nukwo balibacwera omusango. 28Baitu nyowe ndaba nimbinga emizimu habwa Omwoyo gwa Ruhanga, nukwo obukama obwa Ruhanga bubahikire haihi. 29Rundi omuntu asobora ata okutaha omu nju yomuntu wamani, nokunyaga ebintubye, rundi abanza okuboha owamani, nubwo alinyaga enjuye. 30Omuntu atakora nanyowe nuwe munyanzigwa wange; kandi ogu atasoroleza hamu nanyowe, buli ararangya. 31Nikyo mbagambi’ra nti Abantu baliganyirwa ekibi kyona nekyokujuma kyona; baitu anyakujuma Omwoyo Ogurukwera taliganyirwa. 32Omuntu wena aliganyira, kandi omuntu wena alijuma Omwoyo ogurukwera taliganyirwa, nobuhokuba bwomezi bunu, nobuhokuba omu bwomezi oburukugenda okuija. 33Rundi mufole omuti gusemire, nebyana byagwo bisemire, mandiki mufole omuti gubihire, nebyana byagwo bibihire: baitu omuti gumanyirwa ha byana byagwo. 34Inywe abana benjoka, nimusobora muta muihire okugamba ebugambo ebisemire. Baitu ebiijura omu mutima, akanwa nibyo kagamba. 35Omuntu asemire, aiha ebisemire omu lyahu’rolye erisemire: omuntu omubi aiha ebibihire omu lyahu’rolye eribihire. 36kandi nimbagambira nti ekigambo kyona ekitarumu abantu ekibaligamba, balikitongana ha kiro kyomusango, 37Baitu ebigambo byawe nibyo birikuihaho omusango, nebigambo byawe nibyo birirkusingisa omusango. 38Nubwo abahandiki nabafalisayo abandi bamugarukamu, nibagamba ngu Omwegesa ntwenda otwoleke akokuro’raho tukabone. 39baituyagarukamu nabagambira ati Abobusinge obubi, obwobusihani base’ra akokuro’raho, kandi tibalihebwa kokuro’raho, rundi akokuro’raho aka nabi Yona: 40baitu nka Yona okuyamazire ebiro bisatu, nyamusana nekiro, omunda eyencu, nukwo omwana womuntu aliikara ati ebiro bisatui nyamusana nekiro omu omutima ogwitaka. 41Abantu aba Nineve balyeme’ra omu musango hamu nobobusinge bunu, nibabasingisa omusango, baitu bakegarukamu obwokutebeza kwa Yona; kandi dora hanu haroho arukukira Yona. 42Omukama omukazi owa ha rubaju orwobulyo aliimuka omu musango hamu nabobusinge: baitu dora, hanu haroho arukukira Sulemani. 43Kandi omuzimu omubi obuguruga omu muntu, gugenda omu byeya ebyomere, nuguse’ra hokuhumura, gutarukuzora. 44Kandi, gugamba ngu Ndagarukayo omu nju ya nge nambre narugire. Obugutahamu gugisanga kwonka, esingolirwe, esemezibwe. 45Nubwo gugenda, gwesorolezaho emizimu endi musanju erukugukira obubim, negi etahamu ebyomuntu ogu birikira obubi ebyakara. Nukwo kiriba kiti hali abobusinge bunu obubi.
46Obwakaba nakigambira ebitebe, dora nyina na banyina bakaba bemerire aheru, nibenda okubaza nauwe. 47Omuntu yamugambira ati Dora, nyoko nabgenzi bawe bemerire aheru, nibenda okubaza naiwe. 48baitu yagarukamu nagambira ogu ayamutibize ati Mau araha, nabagezi bange barah? 49Yago’ra omukonogwe hali abegeswabe nagamba ati Dora, mau nagagenzi bange. 50baitu anyakukora wena isenyowe ali omu iguru ebyagonza, nuwe mugenzi wange, nuwe munyanya nyowe nuwe mau.
Currently Selected:
MATAYO 12: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.