HAGAI 2
2
1OMU kwezi kwa musanju, ha kiro kyamakumi abiri mu kimu ekyokwezi, ekigambo kya MUKAMA kikaija habwa Hagai nabi ngu 2Gambira hati bunu Zerubabeli mutabani wa Sealityeri, omulemi wa Yuda, na Yosuha mutabani wa Yehozadaki nyakatagara mukuru wabu, nabantu abasigaireho nogamba oti 3Noha asigaire omulinywe ayaboine enju enu omu kitinisa kyayo ekyaira? kandi hati bunu mugiboine eri eta? terukusisana omu maiso ganyu nketali kintu? 4Baitu hati foka wamani, iwe Zerubaberi, agambire MUKAMA; foka wa mani, iwe Yosuha mutabani wa Yehozadaki, nyakatagara mukuru wabu; mufoke wamani inywena abantu abensi, agambire MUKAMA, mukole emirimo: baitu nyowe ndi hamu nainywe, agambire MUKAMA wamahe, 5nkekigambo okukiri ekinaragaine nainywe obumwarugire omu Misiri, nomwoyo gwange gwaikara omulinywe: mutatina. 6Baitu nukwo agambire MUKAMA wamahe ati Hasigaireho omurundi gumu, akacu kake, nyowe nditengesa iguru, nensi, nenyanja, nobwe're; 7kandi nditengesa amahanga gona, nebintu ebirukwendwa ebyamahanga gona biriija, kandi ndiijuza enju enu ekitinisa, agambire MUKAMA wamahe. 8Efeza zange, nezabu zange, agambire, MUKAMA wamahe. 9Ekitinisa kyenju enu eyahanyuma kirikira obukuru ekyeyokubanza, agambire MUKAMA wamahe: kandi omu kiikaro kinu nuho ndihera obusinge, agambire MUKAMA wamahe.
10Ha kiro kyamakumi abiri mu bina ekyokwezi kwomwenda, omu mwaka gwa Daliyo ogwakabiri, ekigamba kya MUKAMA kikaija habwa Hagai nabi ngu 11Nukwo agambire MUKAMA wamahe ati Mukaguze nu banyakatagara ebyebiragiro muti 12Omuntu obwahimbira omu byebu ebyorugoyerwe enyama erukwera, nakora ha mugati nebyebubye, rundi ha busera, rundi ha marwa, rundi ha magita, rundi ha byokulya byona ebi birikofa ebirukwera? Banyakatagara bagarukama nibagamba ngu Nangwa. 13Nubwo Hagai yagamba ati Rundi omuntu atasemire habwokukora ha mutumbi obwaliba nakoraho kyona hali ebi byona, kirifoka kitasemire? Banyakatagara bagarukamu nibagamba ngu Kirifoka kitasemire. 14Nubwo Hagai yagarukamu yagamba ati Nukwo abantu banu bali bati, kandi nukwo ihanga linu liri liti omu maiso gange, agambire MUKAMA; kandi nukwo guli guti omulimo gwona ogwengaro zabu; kandi eki ekibahongyayo tekisemire. 15Kandi hati bunu, mbesengerize, mutekereze okuruga hati nokugaruka enyuma, ibale litakatairwe ha ibale omu yekaru ya MUKAMA: 16omu biro ebi byona, omuntu obuyeiziraga omutomu gwebirengo amakumi abiri, habaho ikumi lisa; omuntu obuyaiziraga omutabiro gwamarwa okutaha eminaga amakumi atano, habaho abiri masa. 17Nkabatera nokuhukurwa nokuhumba norubale omu mulimo gwona ogwengaro zanyu; baitu mutahindukire nyowe, agambire MUKAMA. 18Mutekereze, mbesengerize, okuruga hati nokugaruka enyuma, okuruga ha kiro kyamakumi abiri na bina ekyokwezi kwomwenda, okuruga ha kiro ekibataireho emiganda yeyekaru ya MUKAMA, mukitekereze. 19Embibo ekiri omu nguli? ego, omuzabibu, nomutini, nakomamahanga, nomuzeituni tekazaire; okuruga hati ndabahaga omugisa.
20Kandi ekigambo kya MUKAMA kikaija omurundi ogwakabiri hali Hagai omu kiro kyamakumi abiri mu bina ekyokwezi, ngu Gambira Zerubaberi, 21omulemi wa Yuda oti Nditenges iguru nensi kandi ndijumika ekitebe ekyobukama, kandi ndihwerekereza amani agobukama bwamahanga;
22Kandi ndijumika egali, nabo abagitembamu, nembarasi nabo abazitemba baligwa hansi, omuntu wena habwa busitama ya mugenziwe. 23Omu kiro eki, agambire MUKAMA wamahe, nditwara iwe Zerubaberi, omuiru wange, mutabani wa Sealityeri, agambire MUKAMA, ndikufora nkempeta yemanyikirizo: baitu nyowe nkukomere, agambire MUKAMA wamahe.
Currently Selected:
HAGAI 2: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.