Məsəloox 21
21
1Padçaği ük' Q'ončuğoy kiyele,
Şot'o xene arx k'inək' İz çureğala tərəf fırınedon.
2Amdari biq'i yaq' iz piyes düze ak'eğon,
Ama ük'e boş bakalt'oğo yoxlayinşalo Q'ončuxe.
3Düzgünluğ q'a düz divanbsun,
Q'ončuğoy piyes q'urbanaxun běše.
4Alaxun oq'a běğsun q'a lovğa ük'
Pist'oğoynak' sa işiğ k'inək'e, ama mo günaxe.
5Çalışakalt'ay niyətxon bolluğe eçon,
Kap nəticə çureğalo isə eht'iyəci boşe baft'on.
6Əfçiduğsunen q'azayinşala var-dövlət
Havina əfçibakala sa buğe, şot'in bisunane taşon.
7Pisorox içoğoy q'əddarluğa görə əfçibakalt'un,
Axıri düz yaq'a biq'sun tet'un çureśi.
8Günaxkəri yaq' gərgüre,
Ük' təmiz amdari isə düz.
9Davabala çuğoxun sa k'oya yəşəyinşbsunaxunsa
Ǔğe sa dönbine yəşəyinşbsun şaat'e.
10Pis amdari vǔğ fikir şəre,
Şot'in iz ı̌šat'uval gorox tene eğon.
11Ç̌oboç̌una cazan tadon, q'ammaz müdrike bakon;
Müdrik amdara yaq'en ak'est'on, iz avabaksunane avuzbon.
12Düzgün Bakalt'in pist'oğo piyexun c'ovakesedon,
Şot'oğoy k'ojurxo śarpi bəlinəne badon.
13Ǔmǔxxo biq'i kəsibi haraya nu ibakalt'in
Sa ği içinal harayk'ale, ama şot'o coğab tet'un tadal.
14C'əp'k'in tadeğala payen əcuğo,
Q'oltuğe bakala rüşvətenal hirsə bask'esedon.
15Haq'q'en iz ganu biq'at'an düzgün amdar mǔqe bakon,
Şər əş biq'alt'ay bul isə bəlinəne baft'on.
16Şu q'amişaksunaxun t'it'ayin,
İz tağala ga bayinq'luğ bakale.
17Saycə köfe qoşt'an tağalo eht'iyəcəne baft'on,
Kəyi-ǔğsunaxun nu çurk'alt'in dövlət tene bə̌ğə̌bon.
18Ük' təmiz amdari gala pis amdar,
Düzgün amdari galal xayin amdar tağale.
19Davabala, t'ot'ok'ala çuğoxun yəşəyinşbsunaxunsa
Çöle yəşəyinşbsun şaat'e.
20Müdrik amdari ard iramteneğon,
Q'ammazi isə k'ə bunesa kəyi-çark'esedon.
21Düzgünluği q'a xeyirxaxluği bač'anexun tağalt'in
Yəşəyinş, düzgünluğ saal şərəfe bə̌ğə̌bon.
22Tək sa müdrik amdaren q'oşunen buy şəhərə hücümebon,
Şot'oğoy umudbakala q'alina śarpi-śinek'on.
23İz ǰomo q'a muza efala amdaren
İçu bəlinəxune efon.
24Alaxun oq'a běğala, içuxun irəzi amdar ç̌oboç̌une hesabbaksa,
Lovğaluğaxun iz boş p'ateneq'sa.
25Tənbəli çureğala şeyurxon içu bisunane taşon,
Şot'aynak' ki, iz kula gamaxun çaxa tene duğsa.
26Şot'in həmişə puldeşiluğebsa,
Düzgün amdar isə kulqaye bakon.
27Şər amdari eçala q'urban irit'p'une,
Pis niyəten eçalo isə şot'oxunal betəre.
28Əfçi şahid biyone,
Axırınci əyit isə hər şeya ibakit'aye bakon.
29Şər amdaren iz ç̌oyane boç̌ubon,
Düzgün amdaren isə iz tağala yaq'ane möhk'əmbon.
30Sal sa müdrikluğ, haq'ıl, nəəl maslaat
Q'ončuğoy əleyinə c'eyes tene bakon.
31Davin ğineynak' ěkat'un həzirbon,
Ama davina taşt'un Q'ončuğoxune.
Currently Selected:
Məsəloox 21: udi
Highlight
Share
Copy
Want to have your highlights saved across all your devices? Sign up or sign in
© Translation Services International Ltd.