ZEKHARIAH 2
2
Tehnak Khau Muhnak
1Muhnak a dang pa khatah, mi pa khat cu na tehnak khau a khutah a cawi mu ing. 2“Ilai hawh tuk nge cim, tin dong ing.”
Amah in, “Jerusalem khuapi itihzah sau in, ngeng hum tih ka theih nuam hangin teh tung tin,” ti hi.
3Mahten keimah otpih litu vancungmi cu mailamah tulin, a dang vancungmi pa khatin, a muah tul cu mu ing. 4A masa vancungmi in, a dawlta pa i nelah, “Tai vut inna, Jerusalem khuapi sungah mihing le nganhing tamzetleh haw tuk a hih ten, kulh tian zawh tuk kha ma hi. 5Topa in thutiam zo a, Topa amah cu khuapi kimkotah khuapi kimtu mei alh kulhtian hi tukin mahlai ah a sunloihnak tuah um tuk tin,” ti hi.
Saltangte Pinleh Tukin Sam
6-7 Topa in, a mihing tei nelah, “Keimah in leihum khua hempoh ah lengkektik khawng naveng atu-in, Babilon ngam pen tul unna, Jerusalem ah kikleh un. 8Nangmuh a bawlsiatu ten a tawh khak haw cu ka ca in, a sunglawi zetmi a tawngkha haw hi,” tin ti hi.
Mah hangin Cungnungbel Topa in, keimah cu a miphunte simtu tei nelah hithu hilh tukin hah hi. 9“Topa amah loli in, do tung a, nangmu salin, a um awng ten nangmuh simleh bok haw tuk tin,” ti hi.
Mah hun a kim ten Cungnungbel Topa i hahmi ka hihlam cu akua na bangin thei haw tuk hi.
10 Topa in, “Jerusalem mipi aw, lungdamin lasa un. Nangmu nelah um tukin hung li ing ti hi!”
11Mah ni ten, Topa i nelah miphun tampi hung haw tuk a, ama mihingin cang haw tuk hi. Nangmu lakah um bok tung a, nangmu nel a, hahmi ka hihlam cu thei tuk uh ci. 12hi a ngam thiangtho sungah Judah cu a cuangcungin amata hi haw tuk a, Jerusalem khua cu khua dang hempoh sangin, a deihbelmi khuapi hi tuk hi.
13 Topa i umnak munah mi hempoh cu dai diudeuno in um un; itahim titale a umnak mun thiangtho pen hung li zo hi.
Currently Selected:
ZEKHARIAH 2: NBF1
Highlight
Share
Copy
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.