Chhóng-sṳ Ki 26

Yî-sat Liù chhai Kî-lâ-ngí

1Chhai Â-pak-lâ-hón ke sṳ̀-thoi, tông-thi sṳt yû yit-pái kî-fông; heu-lòi yu yû yit-pái kî-fông. Yî-sat chhiu sái-to Kî-lâ-ngí, Fî-li-sṳ-vòng Â-pí-mí-le̍t ke-vi hi. 2Song-chú hiong Yî-sat hién-hien, tui kì kóng: “Ngì m̀-hó hi Âi-khi̍p, oi liù chhai Ngài só chṳ́-sṳ ngì ke thi-fông. 3Ngì oi chhiam-sṳ̀ he̍t chhai liá-vi, Ngài oi lâu ngì khiung-ha, su-fuk pûn ngì. Ngài oi chiông liá thi-fông chhiòn-phu su-pûn ngì lâu ngì ke heu-thoi, chûn-sú Ngài lâu ngiâ-pâ Â-pak-lâ-hón só-li̍p ke yok. 4Ngài oi pûn ngì chhin-tô chṳ́-sûn, chhiong thiên-táng ke sên-é án-tô, yu-oi chiông liá thú-thi chhiòn-phu su-pûn ngì ke chṳ́-sûn. Thi-song ke van-koet oi yîn-vi ngì ke chṳ́-sûn tet-tó fuk-hi, 5yîn-vi Â-pak-lâ-hón thâng-chhiùng Ngài ke fa, chûn-sú Ngài só-yû ke fap-li̍t lâu min-lin.” 6Yî-sat chhiu liù hâ-lòi he̍t chhai Kî-lâ-ngí.

7Tông-thi ngìn tui Yî-sat mun-hí kiâ pû-ngiòng, kì chhiu kóng: “Kì he ngài ke ló-moi”, m̀-kám kóng: “He ngài ke pû-ngiòng”; yîn-vi Li-pak-kâ fî-sòng chiâng, Yî-sat kiâng tông-thi ngìn voi chhṳ̀-sí kì, chiông Li-pak-kâ chhióng-chéu.

8Yî-sat chhai ke thi-fông he̍t yit-pok-é, yû yit-ngit Fî-li-sṳ-vòng Â-pí-mí-le̍t tui kì ke chhûng-mùn hiong-ngoi khon, khon-tó Yî-sat lâu kiâ pû-ngiòng Li-pak-kâ yû chhin ngie̍t-chhìn ke thung-chok. 9Â-pí-mí-le̍t ham Yî-sat lòi, mun kì: “Ngièn-lòi kì chhiu-he ngiâ pû-ngiòng, ngì cho-má-ke kóng he ngiâ ló-moi nè?”

Yî-sat en kì: “Na-he ngài sṳ̀n-ngin kì he ngâ pû-ngiòng, kiâng-pha ngài voi yîn-vi kì pûn-ngìn chhṳ̀-thet!”

10Â-pí-mí-le̍t kóng: “Ngì cho-má-ke án-ngiòng tui-thai ngài-têu? Na-he ngài ke ngìn-mìn chûng yû-ngìn lâu ngì ke pû-ngiòng soi, ngì chhiu-he hoi ngài-têu fam-chhui.” 11Â-pí-mí-le̍t chhiu kín-ko ngìn-mìn: “Má-ngìn thûng-tó liá-ngìn lâu kiâ pû-ngiòng, chhiu-oi chhú-sí.”

12Yî-sat chhai ke thi-fông kâng-chung, ke-ngièn chhiu tet-tó pak-phi ke sû-sṳ̀n, yîn-vi Song-chú su-fuk pûn kì. 13Kì ke chhòi-sán ye̍t-lòi ye̍t-tô, sàng-cho fî-sòng hó-ngiak ke ngìn. 14Fî-li-sṳ-ngìn khon-tó kì yû án-tô yòng-khiùn, ngiù-khiùn lâu nù-phu̍k, chhiu chhin m̀ kâm-ngien. 15Kì-têu chiông kì só-yû ke chiáng yung nài thùn-thet; liá-têu chiáng he kiâ-pâ Â-pak-lâ-hón chhai-sṳ ke sṳ̀ phu̍k-ngìn só-yet ke.

16Heu-lòi Â-pí-mí-le̍t tui Yî-sat kóng: “Ngì lì-khôi ngài-têu hi! Ngì yí-kîn pí ngài-têu kha khiòng lé!” 17Só-yî, Yî-sat lì-khôi ke thi-fông, to Kî-lâ-ngí ke hâng-lak, chhai ke-vi tap chong-phùng, chhiu he̍t chhai ke-vi. 18Â-pak-lâ-hón hàn-chhôi ke sṳ̀ sṳt yet-têu chiáng, chúng-he kì ko-sṳ̂n heu, Fî-li-sṳ-ngìn chiông ke-têu chiáng thùn-thet. Yî-sat chhiu chhùng-sîn yet khôi-lòi, ke-têu chiáng hàn-he yung kiâ-pâ tông-chhû só-ôn ke miàng.

19Yî-sat ke phu̍k-ngìn chhai hâng-lak chûng yet yit-chak chiáng, chhìm-tó súi-ngièn. 20Kî-lâ-ngí ke mu̍k-ngìn lâu Yî-sat ke mu̍k-ngìn siông-châng, kóng: “Liá he ngài-têu ke súi.” Só-yî Yî-sat ham ke-héu chiáng cho Âi-set#26:20 “Âi-set” yi-sṳ he “siông-châng”., yîn-vi kì-têu lâu kì siông-châng. 21Yî-sat ke phu̍k-ngìn yu yet yit-héu chiáng, kì-têu yu vi liá-héu chiáng siông-chhàu, só-yî Yî-sat ham liá-héu chiáng cho Sî-thì-nâ#26:21 “Sî-thì-nâ” yi-sṳ he “sù-hen”.. 22Kì sái lì-khôi ke thi-fông, yu yet nang-ngoi yit-héu chiáng. Liá-pái chhiu mò siông-châng, só-yî kì ham liá-héu chiáng cho Li-hò-pak#26:22 “Li-hò-pak” yi-sṳ he “chhin fat”.. Kì kóng: “Song-chú liá-ha pûn ngài-têu chhin fat ke thi-fông hó chhṳ-yù fat-chán, ngài-têu yit-thin voi chhai liá-vi hîn-vong hí-lòi.”

23Yî-sat lì-khôi ke-vi, pân-to Phe̍t-sṳ-pâ. 24Ke am-pû, Song-chú hiong kì hién-hien, tui kì kóng: “Ngài he ngiâ-pâ Â-pak-lâ-hón ke Song-ti; yîn-vi Ngài lâu ngì khiung-ha, ngì m̀-sṳ́ kiâng. Vi-tó Ngài phu̍k-ngìn Â-pak-lâ-hón ke yèn-ku, Ngài oi su-fuk pûn ngì, sṳ́ ngì tô-chṳ́ tô-sûn.” 25Yî-sat chhiu chhai ke-vi hí chi-thàn kin-pai Song-chú, yèn-heu chhai ke-vi tap chong-phùng; kiâ phu̍k-ngìn ya chhai ke-vi yet yit-héu chiáng.

Yî-sat lâu Â-pí-mí-le̍t Li̍p-yok

26Â-pí-mí-le̍t tai kì ke kiûn-sṳ̂ Â-fu-sat lâu ngièn-soi Fî-kok, tui Kî-lâ-ngí lòi khon Yî-sat. 27Yî-sat tui kì-têu kóng: “Ngì-têu cho-má-ke lòi khon ngài? Thèu-pái ngì-têu m̀-he tông-nâu ngài, chiông ngài kiuk chhut-lòi mâ?” 28Kì-têu en-kóng: “Liá-ha, ngài-têu chhîn-chhú tî Song-chú lâu ngì khiung-ha. Ngài-têu hî-mong ngì lâu ngài-têu khiung-ha lòi fat-sṳ, li̍p-yok, hó-mò? 29Thèu-pái ngài-têu hó khoán-thai ngì, pûn ngì phìn-phìn ôn-ôn lì-khôi. Liá-ha ngài-têu tî Song-chú su-fuk pûn ngì; chhiáng m̀-hó sông-hoi ngài-têu, chhiong ngài-têu mò sông-hoi ngì khiung-yong.” 30Yî-sat chhiu chún-phi yèn-si̍t, lâu kì-têu khiung-ha sṳ̍t, khiung-ha lîm. 31Thi-ngi ngit, kì-têu tá-chó hong hí-lòi, fu-siông fat-sṳ, li̍p-yok. Yî-sat sung kì-têu, kì-têu chhiu phìn-phìn ôn-ôn lì-khôi kì chón-hi.

32Chhiu chhai ke-ngit, Yî-sat ke phu̍k-ngìn hiong kì po-ko yû-koân yet-chiáng ke sṳ, kóng: “Ngài-têu chhìm-tó súi-ngièn lé!” 33Kì chhiu lâu ke-héu chiáng ôn-miàng Sṳ-pâ#26:33 “Sṳ-pâ” yi-sṳ he “fat-sṳ” ya-he “chhit”., só-yî ke sàng ham-cho Phe̍t-sṳ-pâ#26:33 “Phe̍t-sṳ-pâ” yi-sṳ he “fat-sṳ ke chiáng” ya-he “chhit-héu chiáng”., chhṳ̍t-to kîm-pû-ngit.

Yî-so Thó Ngoi-chhu̍k Ngìn Cho Pû-ngiòng

34Yî-so si-sṳ̍p se ke sṳ̀ lâu lióng-ke Het-ngìn kiet-fûn, yit-ke he Pí-li ke moi-é Yù-tit, yit-ke he Yî-lùn ke moi-é Pâ-sṳ̍t-mat. 35Kì-têu sòng-sòng hoi Yî-sat lâu Li-pak-kâ chhâu-fàn.

Currently Selected:

Chhóng-sṳ Ki 26: THV12Rdb

Highlight

Copy

Want to have your highlights saved across all your devices? Sign up or sign in

Learn more about HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Chhóng-sṳ Ki 26

Popular Bible Verses from
Chhóng-sṳ Ki 26

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhóng-sṳ Ki 26

Chhóng-sṳ Ki 26

Popular Bible Verses from Chhóng-sṳ Ki 26

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhóng-sṳ Ki 26

Popular Bible Verses from
Chhóng-sṳ Ki 26