MATIU 4
4
1WHENENU wẹ yè plan Jesu gbọn Gbigbọ mẹ yì zùngbo mẹ nado whle e pọn gbọn lẹgba de, 2Whenuena é blanù okle kande ozán kande, enegodo huvẹ́ to hùhù i. 3Whlepọ́ntọ lọ sọ wa, bo dọ hlan ẹn, dọ, Eyín hiẹ yín Ovi Jiwheyẹwhe tọn, degbena zannu helẹ ni lẹzùn akla. 4Ṣigba e gblọn bo dọmọ, Yè ko wlanwe etọn dọ, Gbẹtọ ma to ogbẹ̀ gbọn akla dopokẹdẹ sinmẹ gba, adavo gbọn ohó he tọ́n sọn onù Jiwheyẹwhe tọn mẹ lẹpo dali.
5Whenẹnu wẹ lẹgba sọ zé e yìaga yì oto wiwe nẹ mẹ, bo sọ ze e do adadanu ohọta templi tọn lọ ji, 6bo so dọ hlan ẹn, dọmọ, Eyín hiẹ yín Ovi Jiwheyẹwhetọn, lón jẹte na dewe: na yè wlanwé etọn dọ,
E na naṣẹ angẹli eton lẹ na hie wutu:
To alọ yetọn mẹ yé na zé we daga,
Hiẹ vlavo niká klẹn afọ towe do zannu go.
7Jesu sọ dọ hlan ẹn, dọmọ, Yè sọ vọ́ ẹ wlan dọ, Hiẹ ma na whle Oklunọ Jiwheyẹwhe towẹ pọ́n.
8Lẹgba sọ vọ́ ẹ zé yi osó he yìaga de ji, bo sọ do aholu yigba aihọn tọn lẹpo, po gigo yeton po hia ẹ; 9é bo sọ dọ hlan ẹn, dọmọ, Onu helẹ pó wẹ yẹn na na we, eyín hiẹ na jẹklo bo litai na mi. 10Whenẹnu wẹ Jesu dọ hlan ẹn, dọmo, Tọn sọn ofì, Satani: na yè wlanwé eton dọ, Hiẹ na litaina Oklunọ Jiwheyẹwhe towe, ewọ dopokẹdẹ wẹ hiẹ na no sẹ̀n.
11Whenẹnu wẹ lẹgba jo e dai; bo, do ayi e go, angeli lẹ sọ wa bo to devizónwà hlan ẹn.
12Whenuena é sè dọ yè zé Johanu do ogàn mẹ, è tọnyì Galili; 13é tọ́n sọn Nazaleti, bo wa nọ Kapẹlnaumi ehe tu to ohùtó to Zebuluni po Naítali pò pawhé. 14Na ehe yè ko dọ gbọn onu yẹwhegán Isaia tọn mẹ nido di dọ,
15Aigba Zebuluni tọn, po aigba Naltali tọn po,
To ohu lọ jlẹji, to Jodani godo, Galili kosi lẹ tọn
16Omẹ he sinai to zinvlu mẹ
Ko mọ hinhọ́n daho,
Hlan ye he sinai to aigba po oyẹ̀ oku tọn po dali,
Wẹ hinhọ́n họn na.
17Sọn whenẹnu wẹ Jesu ko sè yẹwheho dọ, dọmọ, Mì lẹnvọjọ: na ahọludu olọn tọn sẹpọ́.
18E to zọnlinzin to ohù Galili tọn tó, bo mọ nọvisunnu awe, Simoni he yè nọ ylọ Pita, po Andlé nọvisunnu etọn po, yé to odọ̀ dlẹn do ohù mẹ: na whehutọ we yé. 19E sọ dọ hlan yé, domọ, Mi họdo mi, yẹn nasọ yí mì do basi whehùtọ gbẹtọ lẹ tọn. 20Yé sọ jo odọ̀ yetọn lẹ dai to tẹndoponeme, bo to hihodo e.
21Le e to yìyì sọn finẹ, é mọ nọvisunnu awe devọ Jakobu, ovi Zebedé tọn, po Johanu nọvisunnu etọn po to vatlẹ mẹ po Zebẹde otọ́ yetọn po, to odọ̀ yetọn tò; é sọ ylọ yé. 22Afọdoponẹji ye sọ jo vatlẹ lọ po otọ́ yetọn po dai, bo sọ to hihodo e.
23Jesu sọ zinzọnlin lẹdo Galili lẹpo pé, é to omẹ plọn to sìnagogu yetọn lẹ mẹ, bo to yẹwheho wẹndagbe ahọludu tọn dọ, é to azọ̀n hunkọhunkọ po madogán hunkọhunkọ po hẹngbọ to gbẹtọ lẹ ṣẹnṣẹn.
24Linlin eton sọ di lẹ́do Silia lẹpo; yé sọ hẹn azọ̀ntọ lẹpo he do azọ̀n madizọ̀n lẹ wá e de, mẹhe awú do fiẹ lẹ, mẹhe do lẹgba lẹ, podọ yé mẹhe huntadu lẹ, po mẹhe to awúkuzọnjẹ lẹ po; é sọ hẹnazọ̀ngbọna yé. 25Agùndaho susu so hodo e sọn Galili, sọn Dekapolé, sọn Jẹlusalem, sọn Judé, podọ sọn Jọdani godo.
Currently Selected:
MATIU 4: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.