Matayo 4
4
Ohuteemwa hwa Yesu
(Mrk 1:12-13; Luk 4:1-13)
1 #
Abaib 2:18; 4:15. Olwoola, Mwooyo Mwoolerefu yeemirira Yesu yaamuyira mu siparara ohuteemwa neende omusuku Sitaani. 2Yesu niyamala endaalo amahumi kane n'atalya, enjala yachaaka ohumuluma muno. 3Omusuku Sitaani yeecha yaali yaamuboolera ati, “Nikali mbwe niiwe Omwaana wa Nasaae, kaluuhaniaho amakina kano keehole ebyohulya olye.”
4 #
Amal 8:3. Yesu nae yamukaluhamo ati, “Syandiikwa siti, omuundu haba saanyala hubaao omulamu hulw'ebyohulya byoong'ene nae hulwabuli mboosi yitula eyiri Nasaae.”
5Haandi omusuku Sitaani yeemao yaayira Yesu mu siko syoolerefu yaamweemesa aakulu hu Nyuumba ya Nasaae 6#Sab 91:11,12.yaamuboolera ati, “Nikali mbwe niiwe Omwaana wa Nasaae, yakuha okwe aasi, olwohuba syandiikwa siti, ‘Nasaae alihutumira bamalaika bae beeche bahubukaanire, bahudiire mu mahono kaabwe ohaye ohwegumulaho hu makina.’ ”
7 #
Amal 6:16. Yesu nae yamukaluhamo ati, “Otahemaanga Nasaae Omwaami wao.”
8Haandi Sitaani yayira Yesu hu lugulu luleeyi muno yaamweekesa obwaami bwohu syaalo bwoosi neende oluyaali lwabwo. Sitaani yaboolera Yesu ati; 9“Njia ohuhuberesa obwaami buno bwoosi, noosigama waanyinamira.”
10 #
Amal 6:13. Ao bulaanu Yesu yamukaluhamo ati, “Ewe Sitaani, nduleho cheera! Ohuba syandiikwa siti yinamiraanga Nasaae Omwaami wao, haandi niye yooba ohalaabanireenge yeeng'ene.”
11Ao bulaanu Sitaani yeemao yaatula hu Yesu, mani malaika beecha baaberesa Yesu obuhoonyi bu yali naadaha.
Yesu achaakira omulimo kwae mu Galilaaya
(Mrk 1:14-15; Luk 4:14-15)
12 #
Mat 14:3; Mrk 6:17; Luk 3:19,20. Yesu niyawulira ati bamalire ohuboya Yowaana, yasiingira yaachia Galilaaya; 13#Yow 2:12.Yaatula Nasareeti yaachia yaamenya Kaperanaumu esiko siri hu genya ly'enyaanja ya Galilaaya mu syaalo sya Sebbulooni neende Nafutaali. 14Sino syeeholeha hu mboosi ya Nasaae yi nabbi Yisaaya yalomaloma yoolerere mbwe, 15#Yis 9:1,2. “esyaalo sya Sebbulooni neende esyaalo sya Nafutaali, ebiri hu ngira yilaangwa Eyohunyaanja ey'engereha y'omwaalo kwa Yorodaani, Galilaaya esyaalo sy'Abateende. 16Abaandu bakeenderaanga mu siirima leero babweene obulafu buungi. Nae abo abamenyaanga mu syaalo sy'esiirima sy'ohufwa, obulafu bubahosere.” 17#Mat 3:2. Ohutula mu biha ebyo, Yesu yachaaka ohuyaalaanga n'aboola ati, “Mweyolobye ebyonoono byeeng'we olwohuba Obwaami bwo Muukulu buli aambi.”
Yesu alaanga abanaabi bane
(Mrk 1:16-20; Luk 5:1-11)
18Olwoola, Yesu niyali n'akeenda hu sikobero sy'enyaanja ya Galilaaya, yabona Simooni olaangwa Petero, neende Anderea mwaanang'ina nibali ohuteka eng'eeni mu nyaanja neende enjero olwohuba bali abanaabi. Yesu niyaboolaho yababoolera ati, 19“Mwiiche munoonde. Njia ohubahola mube abanaabi b'abaandu.” 20Bosi, esiha syeene esyo baleha ao enjero chaabwe baamuloonda.
21Yesu niyemeedayo ohukeenda, yabona abasyaani baandi babiri abo mu nda ndala, Yakobbo neende Yowaana abaana ba Sebbedaayo. Bali neende saabwe Sebbedaayo nibehaale mu lyaato nibongaanga enjero chaabwe, mani Yesu yaabalaanga bosi. 22Abweene ao, bosi baleha elyaato lyaabwe neende saabwe, baaloonda Yesu.
Yesu asomesa, ayaala, haandi awonia
(Luk 6:17-19)
23 #
Mat 9:35; Mrk 1:39. Yesu yakeenda mu Galilaaya mwoosi naayaala Emboosi Ndai ch'Obwaami bwa Nasaae mu sinagoogi ch'Abayudaaya n'awonia buli malwaae alala neende obuchuuni bwa buli embya bwoosi.
24Efuma yae yasalaana yaaswania esyaalo sya Siria syoosi. Byakera abaandu baamuleeteraanga abalwaae ba buli mbya, abali neende obuchuuni butaali nasilala obwali nibubachuuna, ab'emisaambwa, abeendulume, neende abadataala; boosi Yesu yabawoniaanga. 25Ebidiiyiha bya abaandu baangi ohutula Galilaaya, Dekapooli, Yerusalemu, Buyudaaya neende ohutula mu ngoongo ch'engereha w'omwaalo kwa Yorodaani, byoosi byamuloondaanga.
Currently Selected:
Matayo 4: SAMDC
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019