Malaki 1
1
1Yino niyo emboosi yi Omwaami yaberesa Malaki ohuboolera Abaisiraeli.
Obuheeri bw'Omwaami hu Yisiraeli
2 #
Rom 9:13. #Yis 34:5-17; 63:1-6; Yer 49:7-22; Esek 25:12-14; 35:1-15; Amos 1:11,12; Oba 1:1-14. Omwaami aboolera abaandu bae ati, “Ndabaheera endaalo choosi.” Nae eng'we muteeba muti: “Watuheera otye?” Esau neende Yakobbo bali ab'enda ndala. Nae ndadaha Yakobbo 3nae ndasyuula Esau. Ebigulu bya Esau ndabihola ekuunda mani niimbiberesa amabbwe komu siparara. 4Nae abeechuhulu b'Esau, Abaedomu, nibaboola bati, “Hwasihiriswa, nae huchia ohwoombaha buyaaha ebiko byasihirira,” Omwaami w'Obunyala aboola ati, “Lehe boombahe, nae njia ohubirikula-likulao.” Bachia ohulaangaangwa bati, “Esyaalo syonoona,” haandi bati, “Abaandu ba Omwaami yanyoolerera endaalo choosi.” 5Abaisiraeli bahabone sino, mani bahaboole bati, “Omwaami muhunuufu kata erwaanyi w'esyaalo sya Yisiraeli.”
Omwaami yoolobya Abalaamisi
6Omwaami w'Obunyala aboleere eng'we abalaamisi, ati, “Omwaami yeesa oluyaali mu laatang'ene, haandi omuhalaabani yeesa oluyaali mu mwaami wae.” Mani ni ndi laata yeeng'we, oluyaali lwaange luli yeena? Haandi ni ndi Omwaami weeng'we, oluyaali lwaange luli yeena? Mulekeresa, nae muteeba muti, “Hulekeeresa eliita lyao hutye?” 7Muundekeresa olwohuba muyaana hu alutaari yaange eby'omusiro. Nae muteeba muti, “Hubiholere eby'omusiro hutye?” Mubiholere eby'omusiro olwohuba muboola muti, “Emeesa y'Omwaami haba si y'oluyaali daawe.” 8#Amal 15:21.Nimuleeta esolo chawofula ohuyaana, mubaasa muti esyo haba si sibi? Haandi nimuyaana esolo chalema oba endwaae, mubaasa muti esyo haba si sibi? Mani esolo koti echio nimuchiyaanira gaafana weeng'we, mubaasa muti anabasangaalira oba yabasiima? Omwaami w'Obunyala nilwo lu ateeba. 9Mani bulaanu eng'we abalaamisi, mwekongooye Nasaae atukwiire esisa. Mani neende ebiyaanwa bifwaana biti ohutula mu mahono keeng'we, mubaasa muti Nasaae anyala yabakwiira esisa? Omwaami nilwo lu aboola. 10Omwaami w'Obunyala aboola ati: “Yiba niyiriyo mulala hweeng'we onyala ohwiikalao enjiki ch'enyuumba yaange, mani mwahaya ohwaadusa omuliro hu alutaari yaange bihaya! Haba siibasangaaliraho kata nabudiidi daawe, haandi siinjia husiima ebiyaanwa bi munyaanira. 11Olwohuba ohutula ebukwe ohwoola emuumbo, abaandu boosi baanjisamo oluyaali. Haandi buli abuundu, banioohesa obubbaani haandi bayaana ebiyaanwa byoolerefu. Boosi baanjisamo oluyaali.” 12Nae eng'we muundekeresa, mani nimuboola muti: “Emeesa y'Omwaami haba si y'oluyaali daawe, haandi ebyohulya byahwo bibulamo obuhoonyi.” 13Muboola muti: “Ebyo byoosi bitujoong'iisye!” Mani nindechusuula, Omwaami nilwo lu aboola. Ebisolo bi mwanyaka, oba ebilema, oba ebilwaae, nibyo bi muleeta koti ebiyaanwa byeeng'we. Mubaasa muti nyala ohubisiima? Omwaami nilwo lu ateeba. 14Omulichaki oyo, oweyama ohuumberesa esurusi yae endai ohutula mu byaayo byae, nae mani niyanyaanira eyalema, alibwaabwa. Olwohuba Ese ndi Omutuki muhunuufu, haandi abaandu bomu byaalo byoosi baanjisamo oluyaali. Omwaami nilwo lu aboola.
Currently Selected:
Malaki 1: SAMDC
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019