Matayo 6
6
Enjekesa yidiira hu buwaani
1 #
Mat 23:5. “Nimuhola esiindu silai, mweliindeenge obuteniinia mu moni w'abaandu, nimweekesa ebilai bi muba nimuholere. Olwohuba nimuhola mutyo, haba simuba muchia ohunyoolaho omukabo kwoosi ohutula eyiri Seeng'we oli Muukulu.
2“Sakira, nooberesaanga omuundu mumanani esiindu syoosi, otefumianga muno eyiri baandu noobaboolera byooba nooholere, koti lu Beebachirisi baholaanga mu Sinagoogi, nibeeyemeresa hu ngira nibadaha abaandu bababone hu babafumie. Mbaboolera obwadyeeri endi, abo bamala ohunyoola omukabo kwaabwe kwoosi. 3Nae eng'we nimuhoonya omumanani esiindu syoosi, omwiicha wao mweene, atamanyaangaho syooba nooholere, 4hu bulaanu, obuhoonyi bwao obwo, bunyale ohudoong'a obwomu syaama. Ao bulaanu Nasaae wao, obona byooba nooholeere mu syaama, aba omweene yahahuberese omukabo kwao.
Enjekesa yidiira hu saala
(Luk 11:2-4)
5 #
Luk 18:10-14. “Mani nooba noolaama eyiri Nasaae, otafwananaanga neende Abebachirisi! Abo nibo abaheera ohweeyemeeresa mu Sinagoogi nibalaama, mbwe hu baandu bababone. Haandi kata bachia nibeeyemeeresa hu makira mbwe hu buli muundu oba naabita, abone ati nibo abamanya ohulaama. Mbaboolera obwadyeeri endi, abo bamala ohunyoola omukabo kwaabwe kwoosi. 6Nae ewe nooba n'osaba esaala, yingiraanga weyikalira mu nyuumba yao, hu osabe esaala eyiri Nasaae Lataao otabonehana. Mani, Nasaae Lataao oyo, obonaanga ebyeehola mu syaama, niye oba achia ohuhuberesa omukabo kwao.
7“Mani nooba n'osaba esaala, otehoonyeraanga emboosi nyiingi muno koti lu Beebachirisi baholaanga; olwohuba babaasaanga bati, nilwo lu Nasaae aba achia ohubawulira ohweema hu saala chaabwe ndeeyi echo. 8Sakira, eng'we naang'we, mutafwaanaanga nabo, olwohuba Seeng'we oli Muukulu amanyaanga bi mudaha kata nimusisiiri ohumusaba. 9Mani yino niyo engeri yimuhoyere ohulaamiramo:
Seefwe oli Muukulu; eliita lyao lifumisibwe. 10Obwaami bwao bwiiche;
byoodaha biholwe, mu syaalo, koti lu biholwa Muukulu.
11Tuberese enyaanga yino,
ebyohulya byeefwe bya buli ludaalo; #6:11 bya buli ludaalo: Oba bya buli buhya.
12Tuleheremo ebyonoono byeefwe,
koti lu huleheramo abo abatuholera bubi.
13Otatuyira mu huteemwa,
nae tuwonie mu bubi.”
14 #
Mrk 11:25,26. Olwohuba, nimuleheramo ababaholera obubi, nilwo lu Seeng'we oli Muukulu yesi aba achia ohubaleheramo. 15Nae nimutaleheramo abo ababahola obubi, Seeng'we oli Muukulu yesi haba saaba achia ohubaleheramo ebyonoono byeeng'we.
Enjekesa yidiira hu husiiba
16“Nae nimuli mu husiiba, mutabiyiirisaanga koti lu beebachirisi baholaanga. Bahweesaanga obweeni bwaabwe mbwe hu baandu bamanye bati bali ohusiiba. Mbaboolera obwadyeeri endi mu ngeri eyo, bamala ohunyoola omukabo kwaabwe kwoosi. 17Nae eng'we nimuli mu husiiba, mweebaheenge amafuta hu mitwe, haandi mwetereesa mu bweeni mwosi, 18abaandu bahaya ohumanya bati muli ohusiiba; mani Nasaae weeng'we obonaanga ebyeehola mu syaama niye oba achia ohubaberesaanga omukabo kweeng'we.
Ohwebiihira obuyiinda Muukulu
(Luk 12:33-34)
19 #
Yak 5:2,3. “Mutabiihaanga obuyiinda bweeng'we mu syaalo muno, yi masiriri neende emberebeende #6:19 masiriri neende emberebeende: Oba embuungi neende enyeende. binyala ohunyaasa, haandi neende yi banyaka bosi banyala ohwiingirira baabiiba. 20Nae, obuyiinda bweeng'we, mu bubiiheenge Muukulu yi masiriri neende emberebeende, bitanyala ohubunyaasa, kata neende yi banyaka batahanyala ohwiingira beeba. 21Olwohuba, yi buyiinda bwao buba, niwo yi mwooyo kwao kuba.
Obulafu bw'omubiri
(Luk 11:34-36)
22“Emoni niyo etaara ly'omubiri. Sakira emoni yao niyiba enamu, omubiri kwao kwoosi kuba kuli mu bulafu. 23Nae emoni yao niyitaali enamu, omubiri kwao kwoosi kuba kuli mu siirima. Mani obulafu bw'omubiri kwao, nibweehola esiirima, esiirima esyo ngasiba sinaabe esibitiirifu!
Nasaae neende obuyiinda
(Luk 16:13; 12:22-31)
24“Abulao omuundu onyala ohuhalaabanira abaami babiri. Aba achia ohuheera mulala nae asyuule owuundi, oba awulire mulala nae alekeerese owuundi. Haba soonyala ohuhalaabanira Nasaae haandi esiha syeene esyo waahalaabanira ‘mamoni.’ ” #6:24 mamoni: yino mboosi y'Abasemetiki eyeekesa eseende oba emyaandu
25“Sakira mbaboolera sino endi, mutelalihiriraanga hu byohulya oba eby'ohung'wa, kata bi mweenya mu bulamu bweeng'we oba engeri y'ohweefwaaliramo. Obulamu bw'omuundu neende ebyohulya, oba omubiri kw'omuundu neende eby'ohwefwaala, siina esihira esiindi? 26Mubonereho hu mayoni, haba sikataaka oba kata kakesa kabuunga mu byaaki, ohutusaho Nasaae Seeng'we wo Muukulu, niye okaliisaanga kanyala ohubaao amalamu! Nae eng'we, simuhirira elalira amayoni? 27Nae naanu hweeng'we onyala ohuleeyiaho obulamu bwae, hulw'ohweelalihira hwae ohwo?#6:27 hu bulamu bwae: Oba hu buhoongo bwae. 28Lwasiina mweelalihira muno hu ngeri y'ohwefwaaliramo? Mubonereho hu bimuli byomu siino: Sibyeenabiraanga engubo. 29#1 Abat 10:4-7; 2 Biha 9:3-6.Nae mbaboolera endi, kata Solomooni mu buyiinda bwae bwoosi siyanyala ohwefwaalaho yaanyirira bulai yaaboneha koti ebimuli bino. 30Mani nimubona muti eyo niyo engeri yi Nasaae afwaaliramo ebimuli bibaao sa enyaanga yino, nibuhya muchuli nibyooma, bisaambwa mu muliro, mubaasa muti Nasaae oyo saanyala ohubafwaasa ohuhiraho ebimuli ebyo, eng'we ab'efukiirira ndiidi? 31Sakira, mutelalihiraanga nimubaasa muti; ‘Hunaalye siina?’ Oba ‘Hunaang'we siina?’ Oba muti, ‘Huneefwaale siina?’ 32Olwohuba, ebyo nibyo ebiindu bi bakafiiri babasaangaho buli siha, nae eng'we, Seeng'we oli Muukulu amanyire ati bino byoosi mubidaha. 33Nae mutaangire mberi ohukoonya Obwaami bwa Nasaae alala neende obwoolerefu bwae; mani ebiindu biindi bidoong'ere ebyo byoosi aba yahababerese.
34“Sakira, muteelalihiraanga hulw'ebiindu binaakweeo muchuli; olwohuba, buli ludaalo luli neende ebidinyu byalwo ebilumala.
Currently Selected:
Matayo 6: SAMIA
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
©Bible Society of Uganda, 2019