maluko euskoskopa
euskoskopa
'e maluko fukuin isi tposi 'omo yupa natʉ'ca 'o oko to hamo iesu kilisto cimo ʉmnʉ ci fihngau. isi eʉsvʉta a'to, 'o iesu lasi huecvʉhʉa na peiseafi a'vinano yaa tonʉa. 'o tonʉsi isi humzi to lasi hia mo'ma'cohio, skotpʉta 'o h'aokuv'o, ho i'o tonʉ nosi peteongaso to kuisi. mo iachi mainca 'o iesu zou <okocou>; na atuhcusi hioa homo uhta hpʉhpʉngʉ te noa skuna ta yatatiskova, a'vinano nomio no to'usni 'e yatatiskova ho ciha 'o iachisi nsou.
'o maluko isi ieni ta moc'o sonʉ ci hia tmopsʉ ho tatoyangzi 'o nia hi'hioa to iesu. siya to nia hiasi yaahioa 'o taicosi. o'a isi siya to nia maee'esi ho mo'ma'cohiosi. i'o moso tmopsʉ isi ieni ta moc'o nanʉhtʉ ci tposʉ ho etoyangza 'o hia psoyaski to letoonono ci yohane ho ine moso noa toonono 'o iesu, noa hʉsvʉta. acnguha eʉsvʉta 'o lasi hia aotothomʉ, mo'ma'cohio, yaeza tatoyangzi 'o tesi to iesu mo mainenu na hia ausuhca honga 'o iesu, 'o tonʉ tomo yu'hango mo mainenu na hia o'te tosvo yusuhci. 'o isi tposi to ataveisi isi tposi 'o ohsi hioa to iesu to sotavei ci mainsohʉ, afnaso ne moso noa svopca to zuuzika ho i'o a'a'ausna ne moso smoevovei.
i'ola motposʉ lahe yainca, 'e tposʉ eni mo yusno mahtavei <boemi ta [ ] ci huomza ho hupaevazi> o'amo i'mi to emucu to maluko. ma ihec'o sopuhnga to mocmo ci moso tmopsʉ.
etaica
1. i'hahozi ta fukuin (1:1-13)
2. yone ngalilaya 'o iesu ho yaahioa (1:14-9:50)
3. i'mi ne ngalilaya ho uhne 'elusalemuho ito cum'usi (10:1-52)
4. atavei no mainsohʉ yone 'elusalemu ho ito cum'usi (11:1-15:47)
5. smoevovei 'o iesu (16:1-8)
6. aopa'to 'o smoevovei ci nooe'oca ho ohpepe (16:9-12)
Currently Selected:
maluko euskoskopa: bsnfe
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan © 台灣聖經公會版權所有 2014