matai 24
24
eyoca te aapayo'ʉ 'o seiten
(maluko 13:1-2; luka 21:5-6)
1i'mi to seiten ho yuyafo 'o iesu, ne te seolʉa no mongoi, mo uhto tuhcusi 'o tesi, pas'osi 'o hia m'eac'ʉ to seiten ho poa aitneni to iesu. 2isi mi'usni to iesu 'o tesi ho yainca: <mimucus'aeno o'te acʉhʉ baito ta hia m'eac'ʉ ta emoo tan'e? te'o a'ʉmta eʉsvʉta muu, 'emo macoconi ci fatu tan'e, tena acʉha eon'ozi, uk'ana ci tenala makon'a yupa tooskopʉ ci fatu.>
meakvo'ʉ ho akuzkuzoa
(maluko 13:3-13; luka 21:7-19)
3mo yusuhngu to hcuyu'olivu 'o iesu; mo auc'oc'ou uso 'o tesi ho tuocosi: <tekon'a eʉsvʉta a'mi, ho homna nate esmi 'emo maica ci hi'hioa? na teko hia cmʉ'ho ho ina puesona ta hpʉhpʉngʉ panotena ake'a humzi?>
4yut'inga to iesu: <temula bumemealʉ, 'otes'a noa pasloʉngvi ta cou. 5maica tena botngonʉ ci cou 'o tena boemi ta ongko'u ho esmi, mainca: <<zou kilisto a'o>>, maicacu pasloʉngvi 'emo botngonʉ ci cou. 6temu talʉi ta cum'u 'o mʉmʉ no ehtothomʉ ho totalʉi namo yu'susuyumo ne covhi. o'atemu nama ngoheʉngeʉ, 'emo maica ci hi'hioa 'ate ahtuo'te esmi, at'inghi o'aisi yainca tec'u esmi na puesona ta lekisi. 7'emo cono suezopʉ tena ehtothomʉ tomo h'unano suezopʉ, 'emo conci hpʉhpʉngʉ tena suyumo tamo h'unano hpʉhpʉngʉ; te nongabo na seova ho motoevi. 8hote esmi 'emo maica ci hi'hioa aʉlʉ mais'a 'o mamespingi hola ahoi congo hote yayo 'o oko.
9<ho mio, tahe tʉtpʉta muu, tikuzkuzoa, noa opcoza. nomio a'o, tahe toehunga sʉ'nova ta yatatiskova muu. 10botngonʉ ci cou tahe ciha 'o singkoohe, yupania mhino. yupa mihango. 11botngonʉ ci meyoyongensa te yuyafo, ho maspepecvai ta 'tohʉngʉ ta cou. 12maica homo pongabo 'o kokuzo, botngonʉ ci cou te ausuhcu coheʉceʉ na himngonghi. 13at'inghi, nate apaezumo bimahtʉicʉ buveici ci cou ahtuo'te elʉ no to'usni. 14'e fukuin to hpʉhpʉngʉ ne pepe te auevan'a psoengaboa ta ceoa, mi'usnu ta yatatiskova ho 'akasi, ataveisi tenac'u cmʉ'ho na puesona ta lekisi.>
meoino no meakvo'ʉ
(maluko 13:14-23; luka 21:20-24)
15<temu teolʉi 'o ohsila engha to eyongensa ci tanielu i'ote <<meaapayo'ʉ ci isi so'eʉsʉ'nova ci macucuma>> mo yac'ʉ to cofkoya ci hpʉhpʉngʉ (i'ote mo'engho tan'e te asansana ta'hongi na e'ausnasi ta e'e tan'e), 16'omo yonta mia'usnu ta yutaya, nte p'usnu to hcuyu ho totoefʉngʉ; 17namo yono sofʉ, 'otena ohpueho ho yʉmeʉmʉ ta emoo ho mayo no macucuma; 18namo yono ezoezoyʉ, maezo o'atena maine'e ho mayo note aoskopa. 19to hiesi ho mio, i'omo ngangho'ʉ ci mamespingi ho inamo paun'u ci ino tena 'atutumzo! 20temu 'inoli to hamo ho o'te poa esmi no hosoyʉma hocieno 'ansokunici 'emo maica ci hi'hioa. 21maica i'o meakvo'ʉ ho mio mo ahoi ho ohcu teyai 'e hpʉhpʉngʉ. o'amocu mosola ahtu auyu esmi, no ataveisi maezo o'anate ahtu i'vaho esmi. 22hocisi o'te ananʉhta to hamo na hiesi no meakvo'ʉ, uk'a cite meelʉ nongaco yaansou ci cou. at'inghi mo nomio ta ohsila epeiya ci mao'o'okosi, tesi ananʉhta to hamo na hiesi ho mio.
23<hoci panonte mi'usnu muu ho mainca: <<aiti, mo yontan'e 'e kilisto! aiti, mo yonta'e ta kilisto!>> teav'a taa'uzva. 24maica tec'u yuyafo 'o mekikilisto ho meyoyongensa, tahe hioa na meoino peispopo'e ho poa ma'pepecvai 'e cou; hoci peelʉi, ac'ʉha no paspepecvazi 'e ohsila epeiya to hamo ci mao'o'okosi. 25atatalʉa! os'ocu ayoca engahva muu.
26<hoci panonte mi'usnu muu ho yainca: <<aiti. mo yone maepuepuhu 'o kilisto!>> o'atemu yuyafo; hocieno yainca: <<aiti, mo no'ayumonʉ ta emoo 'o kilisto!>> yaeza teav'as'a taa'uzva. 27maica hotenac'u cmʉ'ho 'o okocou te mais'a moi'hocʉ, akameosʉ, i'mi ta esmomhana ac'ʉhʉ ne meoveana ho meicaefi ta engʉca.
28<mo yonenu na evoo, 'alaeno maezo yu'eteuyunu nenu na eiski.>
cmʉ'ho 'o okocou
(maluko 13:24-27; luka 21:25-28)
29<ho tac'u sucaefi 'o hiesi no meakvo'ʉ, tena smoekua'onga 'o hie, o'anate i'vaho psoetiskou 'o feohʉ, te i'mi ta engʉca 'o congeoha ho supeopeohʉ, 'e ceoceona ta mouhpʉhpʉngʉ te maezo acʉhʉ tmaot'ou. 30homio, 'o huomza no cmʉ'ho 'o okocou te yuyafo ta engʉca. 'e masusuezopʉ ho yatatiskova ta ceoa te acʉhʉ mongsi; tehe aiti 'o okocou te mahafo to a'sʉftonʉ ci tonʉ ho psoevohngʉ. poʉt'ʉcʉ to cmʉcmʉ i'mi ta pepe ho ohpueho. 31te meoino yamumi 'o fihngau no la'pa, tesi popeoskuna 'o tensi ho sʉc'ʉhʉ to maacaciku ta hpʉhpʉngʉ, i'mi ta hpʉhpʉngʉ tan'e ho sʉc'ʉhʉ to hpʉhpʉngʉ ne'e, euteuyuna 'o ohsila epeiya ci mao'o'okosi.>
pahsʉsʉfteni to evi no moezunge
(maluko 13:28-31; luka 21:29-33)
32<temu i'mi to moezunge ho noa pahsʉsʉfti. homo yuenghova 'o ehti, cmʉfeʉ 'o faeva ci ehʉngʉ, tamucu cohivi tec'u esmi na homu'eina. 33totiski, ho temu aiti 'e acʉcʉhʉ ci a'a'ausna tec'u cohivi micu cum'u na hiesi#<micu cum'u na hiesi> hocieno yainca <tasicu cmʉ'hi>.. micu yonta phingi. 34temu atatalʉa: 'e yatatiskova ta maitan'e auyusi ho o'amocu te acʉhʉ mongoi ta hpʉhpʉngʉ, acʉcʉhʉ 'emo maica ci hi'hioa tenac'u esmi. 35te aapayo'ʉ 'e engʉca ho ceoa, i'e e'e'u 'auesiesi o'ate aapayo'ʉ.>
na hie ho mio uk'a cite bochio
(maluko 13:32-37; luka 17:26-30, 34-36)
36<inacu hiesi no cmʉ'ho nate esmi, uk'a cimo bochio ci cou; o'a ihe cohivi to tensi ta pepe, yaeza o'a isi cohivi to oko#panto piyo ci tposʉ noana'o uk'a ci <maezo o'a isi cohivi to oko>., i'oc'o amo namo bochio. 37hote cmʉ'ho 'o okocou te mais'a 'o nia a'a'ausna to hiesi to noa 38auyusi ho o'amocu moso cmʉ'ho na fozu ci chumu, mosola 'atatotovcongʉ ho eabobonʉ 'e cou, ac'ʉhʉ to hiesi ne mohcu yʉmeʉmʉ to 'apangʉ 'o noa; 39la acʉhʉ nongonongo, micu cmʉ'ho 'o fozu ci chumu. cu acʉha pagohca, hote cmʉ'ho 'o okocou 'atenaeno maezo maica. 40ho mio, yoso 'omo yonto ezoyʉ ho yaahioa, yaa 'omo cihi, teongasi 'omo cihi; 41yoso 'omo huahua ci mamespingi, yaa 'omo cihi, teongasi 'omo cihi. 42ko'koeno, la aʉtʉs'ʉ, maica o'atemu cohivi ho homna nate cmʉ'ho 'o nooe'oca. 43la atatalʉa 'emo coni eni: na cihi ci tauke tamo cono emoo hocisi cohivi ho tena mainenu no feʉngna nate esmi na thokeainʉ, 'ate ahtuo'te aʉtʉs'ʉ, o'te poa yʉmeʉmʉ no phingi na thokeainʉ. 44ko'koeno, ntemula conino ae'ayocʉ, maica 'o okocou tena aemo'au cmʉ'ho no o'a temu ta'eoyoca ci hie.>
noe'oci ho 'oha noe'oci ci soskuskunu
(luka 12:41-48)
45<zou siya namo toutʉs'ʉ ho peelʉi noe'oci ci soskuskunu? 'ai'o isieno tovei to tauke ho poa aʉt'ʉcʉ to mocmo ci soskuskunu, maino huomza hie ho aangaezeni no tehe 'oanʉ. 46hotena yuovei 'o thauke, aiti 'e soskuskunu eni homo a'ʉmtʉ meot'ʉt'ʉcʉ ho noyʉci 'e tesi hi'hioa, 'e soskuskunu eni te a'ʉmtʉ ʉm'ʉmnʉ! 47te'o a'ʉmta eʉsvʉta muu, 'o tauke tesi skuna ho poa aʉt'ʉcneni 'o afu'usi ezoezoyʉ. 48at'inghi, hoci cihi ci kuici soskuskunu, tasi tohtasvʉta ta 'tohʉngʉsi, <<'o tauke asonʉ o'amocu te mon'i cmʉ'ho>>, 49micu ti'usnu to mocmo ci 'oahngʉsi, no'upu to la voemi ho eabobonʉ ho kokaekaebʉ. 50at'inghi yono o'aisi ta'pangnʉ'va ho o'te cohivi ci hie, cu cmʉ'ho 'o tauke. 51tesi tinoza ti'usna#<tinoza ti'usna> hocieno yainca <popeoyafa>. to tauke 'e soskuskunu, titeuyuna 'ola me'ʉ'ʉmnʉ ci cou ho poa tiou no patvovei; tena yonto ic'o mongsi ho sihsikiki.>
Currently Selected:
matai 24: bsnfe
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan © 台灣聖經公會版權所有 2014