matai 18
18
siya namo someoisa
(maluko 9:33-37; luka 9:46-48)
1ne mio, mo uhto iesu 'o tesi ho tuocosi: <siya namo sotaicinia no hpʉhpʉngʉ ne pepe?>
2mo eyoho'ʉ tomo cihi ci oko 'o iesu, poa yac'ʉ to taicohe. 3yainca: <te'o a'ʉmta eʉsvʉta muu, mac'ocimu miovei, aezuhu totiski mais'a 'e oko, o'atemu ahtu meelʉ tma'oko to hpʉhpʉngʉ ne pepe. 4mais'a 'e oko eni ho ma'einu, hote yonto hpʉhpʉngʉ ne pepe 'amoeno sotaicinia. 5nomio a'o ho aʉt'ʉt'ʉca 'emo mais'a 'e oko eni, 'aisieno aʉt'ʉt'ʉca a'o.>
topana no kuisi
(maluko 9:42-48; luka 17:1-2)
6<'upena na siya hoci poa mongoi a'o namo cihi cila hukoacumai ta sinto'u, te apuyu ʉmnʉ hoci seo'eisneni ta sʉnʉsi na fatu no huahua, ho poa engeosʉ mcoi ne mʉ'eona ne etʉpʉ. 7'e hpʉhpʉngʉ cis'a yaa poa mongoi a'o ci hi'hioa, te a'ʉmtʉs'a sonac'oa! teeno o'te anana'o yuyafo 'emo maica ci hi'hioa, at'inghi namo himhohioa ho epohpoho ci cou tena ku'kuici!
8<'emo coni ta emucusu hocieno 'emo coni ta t'ango hocisi poa peiskuisi suu, te hitenva ho ciha, hoci kealeonga na emucu kealeonga na t'ango ho mayo no 'auesiesi nsou, te ʉmnʉhe nomo noemʉhʉ na emucu ho t'ango ho noa to'ayumoneni no 'auesiesi o'ate afsi ci yafeu. 9hocisi poa peiskuisi tamo coni ta mcoosu, te yuyafi ho ciha, hocic'o coni na mcoo ho meelʉ mayo no 'auesiesi nsou. te ʉmnʉhe nomo noemʉhʉ na mcoo ho noa to'ayumoneni no yafeu ci puzu ne vooecʉvcana.>
epo'usa no eapayo'ʉ ci moatʉ'nʉ
(luka 15:3-7)
10<temula bumemealʉ, teav'a hupotfʉnga 'ola hukoacumai ci cou. te'o eʉsvʉta muu, ne pepe, i'o tensihe la asngʉcʉ bi'upu to tuhcu to amo'u.#panto piyo ci tposʉ noana'o isi topuhngi ta 11 secu <maica na atuhcusi hioa to okocou tesi to'usni namo ma'papayo'ʉ ci cou>.
12<temu aʉsvʉta ta'to'tohʉngva, 'emo cihi ci cou honci yaa se'conia ci moatʉ'nʉ, mo eapayo'ʉ namo coni, o'a tesis'aeno teongasi ta cpucpuhu namo msiohʉ usio ho i'ima namo eapayo'ʉ ci moatʉ'nʉ? 13te'o eʉsvʉta muu, hocisicu elʉa 'emo coni cimo eapayo'ʉ ci moatʉ'nʉ, 'ate ahtuo'te kuici kaebʉ, tesi kaebenihe ta o'amo eapayo'ʉ cimo msiohʉ usio ci moatʉ'nʉ! 14totiski, 'o amomu pepe#<'o amomu pepe> panto piyo ci h'unasi ci tposʉ noana'o isi yainca <amo'upepe>. o'aisi ʉmnʉa hoci eapayo'ʉ namo cihi ci isi hukoacumai ci cou.>
mi'usnu tola peis'epo ci nanat'ot'ohaesa
15<hoci mi'usnu suu na nat'ohaesasu ho peis'epo#<mi'usnu suu na nat'ohaesasu ho peis'epo> panto piyo ci h'unasi ci tposʉ noana'o isi yainca <peis'epo na nat'ohaesasu>., teko usa ho aiti, eʉsvʉta namo o'te emio; at'inghi ho lamuc'o noepohʉ na tekola yaica. hocisi mimha talʉi na hiasu poucufnu, oskocu eoveiya 'e nat'ohaesasu. 16honcisi o'te talʉi, teko engochʉ note cihi yoso ho nʉthʉ usa; maicac'o, namo macoconci e'e no koicʉ te yoso tuyu ci cou nate meelʉ 'akasi. 17hoci a'cʉ'cʉnʉ o'te tmalʉ, teko eʉsvʉta to kiokai na i'hahozʉsi tamo maica ci hi'hioa. hoci maezo o'tena mako tmalʉ ta kiokai, 'atekocueno ta'upa no couyafana hocieno huatatiska 'o letmuhno.>
vomti ho tmoemʉ
18<ko'koeno, te'o eʉsvʉta muu, na temu vomti ta ceoa, te yaeza vomti ne pepe; na temu teomneni ta ceoa, te yaeza teomneni ne pepe.
19<te'o i'vaha eʉsvʉta muu, ho mimu yonta ceoa, hoci pano mo yoso ci cou iepoepohʉ tohmʉskʉ na 'tohʉngʉ ho 'inoli, 'upena hoci cuma na ihe p'enia, 'o amo'u ta pepe 'atesi ahtao'te teomneni. 20maica, na isi afu'a yoni nomo yoso tuyu ci cou ho boemi ta ongko'u ho noteuyunu, 'ate'o ahtu o'te yono taicohe.>
epo'usa no o'te peteongaso no cou ci soskuskunu
21ne mio, mo uhto iesu 'o petelo ho tuocosi: <nooe'oca, hoci mi'usnu a'o ho peis'epo na nat'ohaesa'u, te'o i'popzoha peteongasa? te amso hoci i'poptuha?>
22yainca to iesu: <o'as'a i'poptuha, ma mpʉtvʉhʉ ci i'poptuha#<mpʉtvʉhʉ ci i'poptuha> hocieno yainca <mpʉtvʉhʉ uptu>.. 23maica i'o hpʉhpʉngʉ ne pepe mo mais'a 'ete engha ci ehohamva: pano cihi ci honte tesi taepʉnga na yuevaha no soskuskunusi. 24ne isi ahoza tasvʉta, panto ihe hafa uso cimo yuevaho tomo 'enepio no posimaskʉ ci peisu no king ci soskuskunu. hafa uhto tuhcusi. 25maica 'e cou eni uk'a ci tesi yooveineni ci peisu, yainca to honte mate phieni ho poa tolei, a'upa 'o vcongʉsi, 'o'okosi ho i'o afu'usi macucuma te acʉha phieni, te ko'ko tasvoveiya na yuevahasi. 26'o soskuskunu ic'o mo pop'up'ungu to tuhcu to honte, tmunanac'o ho yainca: <<tekon'aso coveoza a'o! ta'u ahtao'te peʉezi 'o afu'u yuevaha'u.>> 27mo aot'ou 'o ma'cocoveoyʉ ci 'tohʉngʉ to honte, isicu saapayo'a 'o nia yuevahasi, hocu poesih'a.
28<ataveisi ne micu yuyafo 'o soskuskunu ic'o, isi lʉa 'o mosola toehungu yaahioa ci 'oahngʉsi. 'e 'oahngʉsi eni mosola yuevaho tomo piyo ci peisusi, isicu tʉtpʉta ic'o ho tiubcikza, yainca: <<peʉezi 'o ohsula yuevaha a'o ci peisu!>> 29mo pop'up'ungu 'o 'oahngʉsi tmunanac'o ho yainca: <<tekon'aso coveoza a'o. ta'ueno ahta 'o'te peʉezi 'o o'ula yuevaha!>> 30at'inghi o'aisi teomneni, a'vinano poekotva to poo'usna, totea hocisicula yooveineni na yuevahasi. 31'o mocmo to 'oahngʉsi; ihe aiti 'e ti'a'ausnasi, ihe toehunga ta'sʉsʉ'nova. micu uhto honte ho eʉsvʉta 'e i'hahozʉsi ta hi'hioa tan'e. 32isicu eyoho'a to honte 'o soskuskunu ic'o, mi'usni ho yainca: <<a'ʉmtʉ sokuzoa ci soskuskunu suu, miko mi'usnu a'o ho m'eya coveoza, os'ocu saapayo'a 'o nia afu'usu yuevaha, 33o'antekoeno yaeza coveoza 'o 'oahngʉsu. mais'a ho os'o coveoza suu?>> 34mo a'sʉftonʉ sʉ'no 'o honte, isicu poekotva to poo'usna ho poa 'atutumzo, totea ho tasicu acʉha yooveineni 'o yuevahasi.>
35yainca to iesu: <'emimu macicihi hoci o'te a'ʉmtʉ i'mi no 'tohʉngʉ ho peteongasa na nat'ohaesa, 'o amo'upepe. tasi yaeza yaica ho mi'usni muu.>
Currently Selected:
matai 18: bsnfe
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan © 台灣聖經公會版權所有 2014