JAKARIYA 5
5
Tiqtwl Jaal Wnbo Pota akam Nyiqry Kaanam
1Hoo kaato, tiqtwl jaal wnbo potangam ngoqg vnyiqkv lokta nywrab banv hoo kaapanum! 2Hoo mwv ngam benum, “No hoggv kaapa do?” Ngo birwqnum, “Tiqtwl jaal wnbo pota ak ngo kaapa do. Hoqg aasongv kiubit camnyi gob nyinam, hoo hoqg taqtv kiubit camg gob nyinam.” 3Hoo mwv ngam benum, “Soq si beelwqnamv hv gvda mwlwho wiyiq nukun. Hoggab nyiicwr-cwrxiv hiyv dvconam, ham hoqg taqcgonwg xeqpnam hvb dvrwq dvb mvtayin, hoo nyiicwr-cwrxiv hiyv xaalyob dingnam ham asaq taqcgonwg xeqpnam hvb dvrwq dvb mvtayin. 4Ngo ham kanam namlin tayin, nyiit At Sw bibwqdo, hoo hoqhv dvco bo nammwb, hoo hiyv xaalyob ngoqg eminwb dingnam mwwg nammwb haatayin. Hoo hoqhv mwwg nam ho dootayin hoo hoqg svvtaqkam la wlw tulungam dwtwr tayin.”
Duusin uraho Dvn akam Doodwb Nyiqry Kaanam
5Ho ngam goorwqbo gumtwngv ngoqg daiyab haanum hoo ngam benum, “Noqg vnyiqkv nywrabto hoo kaaka to soq si hognvkv yu lvvgwb lingdu dvn.” 6Hoo ngo benum, “Soq si hoggv?” Mwv benum, “Soq si duusinv lvvgwb lingdu do.” Hoo mwv benum, “Soq si bulug gvda mwlwho nyixaq nammv.” 7Hoo kaato, putupam kubkonum, hoo dvn ak duusin uraho doodunum! 8Hoo mwv benum, “Soq si nyic-nyiangv.” Hoo mwv mwnwn duusin urab swwkur lwqknum, hoo putupam vgw dvb mvtwl hoqgab kubtum kunum.
9Hoo kaato, ngoqg vnyiqkv nywrab banv hoo kaapanum, dvn vnyi go otuqb hoodunam! Bulug alap ho dooiyv doonum. Bulv mvra-kiigag alap gvnam hvb gvnum, hoo bulv duusinam swcw gvla doag pengkob jaarab gvnum. 10Hoo ngoqg lvgab goorwqbo gumtwngam ngo benum, “Bulv duusin sam hogloqb jaag gvde nui yu?” 11Mwv ngam benum, “Sinar gvdab, hoq gab nam ak mwjtab. Hoo hwdlo soq si mwx-mvaq yukun, bulv duusinam tvpoq tayin, hoqho ham doogw mvtayin.”
Currently Selected:
JAKARIYA 5: NYISBSI
Highlight
Share
Copy
Want to have your highlights saved across all your devices? Sign up or sign in
Nyishi Bible - DVRWQ PVVB
Copyright © 2015 by The Bible Society of India
Used by permission. All rights reserved worldwide.