Luuka Af furnaan
Af furnaan
Wori Haaggane Luuka chiire saggi Yeesso ꞌDoorribehi Issiraayel ichoow ꞌDoorribehi ꞌdooꞌd tuummane laayyiche iyahe iche inno tusa. Luuka saggi Rubeyti Kamur Yeesso iwahte, “ꞌdee Wori Haaggan miskiino icheeko,” iche chiire. Wora la a ki ꞌdooꞌdi tuummane sinayyohi yeerare khabo aw ikhabo. Ayti busugenye laargo, a hamaadi Wori Haaggan keeno. Waha la a rum, a mehe kachka artohi oraat emeet Yeesso kaayyeedaane, artohi ꞌdaꞌddaboot la Yeessohi serey irte kaayyeedaan.
Buugga dakkhan goyaka, weysi ichoow wori Rubeyti Munyee ichoow hili Waakhe deyyehoti Yeesso leejirte haaggisse ichoow Waakkhi uskeel enenyet ikakuto weyti lakatirriinsate.
Goonannetoo 2 ichoow too 6 inta ilaat ka, wihi buugga kalday lakeelo iche kachiiran. Walah lamma maanti Yeesso desse yitahye jira, iꞌdi maanta geeyi herti Waakh dowatte ichoow ersimohi irte Yeesso sooarge. Wihi addan la, a Yeessohi minki Waakhe buure geeddi us rucchulyahe kijire ichoow mammahti eti Saamariya uur nugul ichoow ti inanki baabe.
Wihi buugga goya kijiro:
Yeed ortiissa 1:1-4
Delmaat ichoow ꞌdaaꞌhum Yoohanahi Enenyet Baattissiyo ichoow Yeesso 1:5-2:52
Hili Waakhe Yoohanahi Enenyet Baattissiyo kijire 3:1-20
Yeesso labaattissiya toro lakaja 3:21-4:13
Yeesso hili Waakh ꞌdooꞌd ortiis ka Gaalilaaya kasookhabta 4:14-9:50
Yeesso Gaalilaaya kakaha Yeerusaleem irta 9:51-19:27
Teebati ꞌdaꞌddaboote Yeesso Yeerusaleem kajire 19:28-23:56
Kamur omoot kasookaha, ꞌdooꞌd isoobaha ꞌdeerka serey ikora 24:1-53.
Currently Selected:
Luuka Af furnaan: rel
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.