Phatna-late 51
51
Tumtheih makaipa ading. David phatna-la khat. David in Bathsheba ang a kawm khit ciangin ama kiangah kamsangpa Nathan a va pai lai a.
1 Pasian aw, a vul thei lo na itna tawh kizui-in kei hong lainat in,#Ph 25:7
na khuatuahna lian tawh kizui-in#Ne 9:27
ka khialhnate hong paihkhiatsak in.
2 Ka khialhna khempeuh silkhia inla,
ka mawhna hong sawpsiang in.#Ru 3:3; Pn 20:30
3 Ahang in, ka tatkhialhnate ka thei-a,
ka mai ah ka mawhna a om den hi.#Isa 59:12
4 Thu na gen ciangin a thumaan na hilam a kitheih nading,
thu na khen cianga dik hong tangsak dingin;#Ro 3:4
nang tung, nang tektek tungah ka mawh a,#Isa 15:24
na muhna ah siatna ka hih khin hi.#Pc 20:6
5 Mawh neisa-a suak ka hi takpi a,
ka nu in mawh neisa-a hong paii a hi hi.
6 Nang in sunglam a thutak c# 6 Hih gual Hebrew ah a khiatna kician taktak lo hi na deih takpi a,
a sungtawngpen mun ah pilna nong hilh d# 6 Ahikeh nangma deihna...; / na ngaihsutna hi.#Job 9:4
7 Puknah in hong siangsak lecin ka siang dinga;#Isa 4:4
kei hong sawp lecin vuk sangin ka pakzaw ding hi.#Isa 1:18
8 Lungnopna le kipahna hong zasak in;#Isa 35:10
na sukzansa guhte nuamsak in.#Pk 12:46
9 Ka mawhnate buksan inla
ka khialhna khempeuh phiatkhia in.
10 Pasian aw, ka sungah lungsim siang hong piangsak inla#Ph 24:4
akip ka lungsim thak suaksak in.#Eze 18:31
11 Na omna panin kei hong paikhia kei inla#Pc 4:14
kei tung pan na Khasiangtho hong lakkhia kei in.#Ph 106:33
12 Na hotkhiatna lungnopna hong pia kik inla#Job 33:26
a thumang nuam lungsim hong guanin hong dingkipsak in.
13 Tua ciangin a khialte tungah na lampite ka hilh dinga,
mawhneite nang lamah hong kihei kik ding uh hi.#Ph 1:1
14 Kei hong honkhiapa Pasian, sisan suah mawhna panin#Ph 39:8
kei hong honkhia in Pasian aw,
tuateh ka leii in nangma thumaanna la a sa ding hi.#Ph 5:9
15 Topa aw, ka muk kak in, tua hileh ka kam in#Pk 4:15
nangmah phatna a pulak ding hi.
16 Biakpiakna hangin na lungkim kei hi, lungkim lecin kong puak ding hi;#1Sa 15:22
meihal biaknate zong nuam na sa tuan kei hi.
17 Pasian biaknate e# 17 Ahikeh Pasian aw,
ka biakpiakna in ahileh a tamkham lungsim ahi hi;#Pn 15:8
Pasian aw, a kitamkham lungtang kisikna na nolh kei ding hi.#Mt 11:29
18 Nangma hoihsakzia-in Zion daupaisak inla;#Ph 102:16
Jerusalem kulhte lam in.#Ph 69:35
19 Tua hileh thumaanin biakna kipia dinga,#Tp 33:19
meihal biakna buppite in nang hong lungkimsak in;#Ph 66:13
tua ciangin na biakna-tau tungah bawngtalte hong kipia ding hi.#Ph 66:15
Currently Selected:
Phatna-late 51: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission