Phatna-late 105
105
1 TOPA tungah lungdam ko-in a min lo unla;#Ph 80:18
ama sepsate, minamte lakah kitheisak un.
2 Amah la sak un, amah phatna la sak un;#Ph 30:4
ama nasep lamdang teng genkhia un.#Ph 75:1
3 A min siangtho thangta hen;
TOPA a zongte lungsim nuam ta hen.
4 TOPA le ama hatna enin;
ama maitang zong den un.#Ph 24:6
5 Ama sepsa a lamdangte,#Ph 40:5
ama nalamdang bawlte le a genkhiat a thukhennate,#Tp 7:18
6 no a nasempa Abraham suante aw,
no ama teelsa Jacob’ tapate aw, phawk gige un.#Tp 10:15
7 Amah eite Pasian, TOPA hi-a;
a thukhennate leitung khempeuh ah a om hi.
8 Amah in a thukhunsa phawk tawntung a,#Pc 9:15
a thupiaksa kammal khang tulkhat dong a phawk hi,
9 tua in Abraham tawh a bawl thukhun#Pc 12:7
Isaac tungah tomlo-a a thuciam ahi hi.
10 Amah in Jacob tungah thukho-in kipsakin,#Pc 28:13-15
Israel tungah tawntung thukhunin kipsak a:#Isa 55:3
11 "Nang tungah tanga na luah dingin#Ms 34:2
Canaan gam kong pia ding hi," ci hi.#Pc 12:7
12 Amaute tawmkha bek pha uh a,#Tp 7:7
tawm takpi-in tua lai-ah mikhual suak uh a,#Pc 23:4
13 gamkhat pan gam khat,#PC 15:13-16
kumpi-gam khat pan adang khatah a pai kawikawi uh hi.
14 Amah in amaute kuama nuainet ding phal loin;#Pc 35:5
amaute a khual kumpite tai a:#Pc 12:17-20
15 "Ka sathau nilhte lawngkha kei unla;#Pc 26:11
ka kamsangte nasak kei un," ci hi.
16 Amah in leitang tungah kialpi samsuk a,#Pc 12:10
amaute an ngahna khempeuh suksiatsakin;
17 amaute mai-ah mi khat sawla -
sila bangin Joseph a kizuak hi.
18 Amaute in kol bulhin a khete kolhsak uh a,#Pc 40:15
a ngawng ah sikkualte tawh khihin,#Pc 12:10
19 ama magensate a tunkim mateng,
TOPA’ kammalin amaan a hina a lah matengin a tua cih uh hi.#Pc 41:40
20 Kumpipa in amah khah dingin mi sawl a,
mite ukpa in amah suaktasak hi.#Pc 41:14
21 Amah in a innkuan sung ukpa-in koih a,
a neihsa khempeuh uksakin
22 ama lungkimna bangin a kumpitapate lamlaksak a,#Pc 41:43-44
a upate pilna a hilhsak hi.#Pc 41:40
23 Tua ciangin Egypt ah Israel lut a;
Ham gam ah Jacob, pemta-in a teng hi.#Ph 78:51
24 TOPA in ama mite pungsak mahmah hi;
a galte adingin a tam lua zahin bawla,
25 ama mite mudah dingin amaute lungsim heisaka,#Pk 4:21
ama nasemte a sawmsimsak hi.#Pk 1:6-10
26 Amah in ama teelsa Aaron le
a nasempa Moses a sawl hi.#Ms 16:5
27 Amaute gel in amaute lakah ama lim lamdangte bawl uh a,#Pk 4:17
a nalamdangte Ham gamah a bawl uh hi.#Pk 3:20
28 Amah in khuamial sawlin tua gam a mialsakna -
amaute in ama thute a lehdo man uh hi lo hiam?#Pk 7:22
29 Amah in a tuite uh sisan suaksak a,#Ph 78:44
a ngasate uh a sisak hi.
30 A gam uh uiphuk dimsak a,#Pk 8:2,6
amau gam-ukte lupna inndei sungah a kahto hi.
31 Amah kam pau a, thopi le cippi honpi#Pk 8:21-24
a gam sungteng uh a tung hi.#Pk 8:16-18
32 Amah in guahtui gialtang suaksakin
amau gam sung tengah khua phiasak hi;#Pk 5:22-25
33 a lengguite uh le a theikungte uh denggawpsakin#Ph 78:47
amau gam sunga singkungte a dengpalhsak hi.
34 Amah kam pau a, kaukhup#Pk 10:4,12-15
le kauphe sim zawhloh a tung hi;#Joel 1:16
35 tuate in gam sunga singkung le lohing teng gaitum a,
a lei hoih panun a piang teng gaikhin hi.
36 Tua ciangin amaute gam sunga ta masa khempeuh,
pisal pana gahmasa khempeuh a vatlum hi.#Pk 4:23
37 Amah in ngun le kham tawh Israel paikhiatpih a,
amau behte lakah a gina lo khat beek a om kei hi.#Pk 3:21
38 Israel kihtakhuaina amau tungah tung ahi manin#Pk 15:16
amaute a paikhiat uh ciangin Egypt-te a nuam uh hi.
39 Amaute tuam dingin meiipi kaisak a,#Pk 13:21
zana a khuavak dingun mei a pia hi.#Ph 78:14
40 Amaute in ngen uh a, vamin pia-in#Ph 78:18
amaute vantung anlumin a taisak hi.#Pk 16:4
41 Aman suangpi khangkhamsak a, tui kikhawhkhia-in,#Ms 20:11
sehnel-gam ah gun bangin a luang hi.
42 Ahang in, amah in a nasempa
Abraham tunga a kamciamna siangtho a phawk gige hi.#Pc 12:1-3
43 Amah in a mite lungnuamtakin paikhiatpih a,#Pk 15:1-18
ama teelsate nuama kikona tawh paikhia uh a;
44 amaute tungah minamte’ gamte pia-in
midangte thalawhsa gamh luah uh a -
45 tua pen amaute in a thusehte le a thukhamte
a zuih theih nading uh ahi hi.
TOPA phat un. a# 45 Hebrew in Hallelu Yah#Ph 104:35
Currently Selected:
Phatna-late 105: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission