Phatna-late 103
103
David phuah
1 Ka hinna aw, TOPA phat in,
ka sungtawng a om khempeuh aw, a min siangtho phat un.#Ph 30:4
2 Ka hinna aw, TOPA phat inla
ama hanga phattuamna khempeuh mangngilh kei in.#Tp 6:12
3 Amah in na mawhnate khempeuh maisakin
na natnate khempeuh damsaka,
4 amah in gum panin na nuntakna tankhia-in#Ph 34:22
itna le khuatuahna hong khusak hi.#Ph 8:5
5 Na khangnona muvanlai aa a bat kik nadingin
na lunggulhna a hoihte in a taiisak hi.#Ph 90:14
6 A kinengniam khempeuh tungah
TOPA in thumaan thutangin na a sem hi.#Ph 74:21
7 Amah in Moses tungah a lampite theisak a,#Pk 33:13
Israel mite tungah a nasepte theisakin:#Ph 106:22
8 TOPA in mi khuatuah siamin hehpih siama,#Pk 22:27
heh baih loin a dimlet itna a nei hi.
9 Amah in eite hong mawhsak den lo dinga,
a hehna hong nga tawntung kei ding hi;#Ph 30:5
10 amah in i mawhna tawh kituakin hong tuaksak lo dinga,#Ezr 9:13
i gamtat khialhnate tawh kituakin hong thuk kik kei ding hi.
11 Ahang in, leitung panin vante a san bangin
amah a kihtate a itna lian lua a;#2Ch 6:31
12 nisuahna panin nitumna a gamlat bangin
eite panin i tatkhialhnate a hemkhia hi.
13 Pa khat in a tate a khuatuah bangin#Mal 3:17
TOPA in amah a kihtate a khuatuah hi;
14 ahang in, amah in eite hong kibawlzia thei a,#Ph 119:73
eite leivui i hilam a phawk hi.#Pc 2:7
15 Mihing ahileh amah nuntak sung lopa bang lel hi-a,#Ph 37:2
gamlak pak banga palh ahi hi;#Job 14:2
16 huih in mutin mangpah a,#Isa 40:7
a omna mun kiphawkkha nawn lo hi.#Job 7:8
17 Ahi hangin TOPA itna ahileh
amah a kihtate tungah tawntung panin a tawntung dongin kipden a,
ama thumaanna amau tate’ tate tawh a om hi -#Pc 48:11
18 tua in ama thukhun a zuite tung le#Tp 29:9
a thusehte man ding a phawk gigete tungah a om hi.#Ms 15:40
19 TOPA in vantung ah a tokhom kipsak a,#Ph 47:8
a kumpi-gam in na khempeuh a uk hi.#Ph 22:28
20 No ama vansawltakte,#Ne 9:6
ama thu bang a sem a thahat#Ps 107:25
ama thu a mangte aw TOPA phat un.
21 No ama vantung mihonpite,#2Ku 22:19
ama deih bang a sem nasemte khempeuh aw, TOPA phat un.#Ne 7:73
22 Ama kumpi-gam sung mun khempeuh-a
ama nasepte khempeuh aw, TOPA phat un.#Ph 19:1
Ka hinna aw, TOPA phat in.
Currently Selected:
Phatna-late 103: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission