Job 39
39
1"Mualtung sathakte a suah hun thei na hi hiam?#Tp 14:5
Sanangpite a no a suah ciangin va vil na hi hiam?
2 A paii sung kha phazah sim na hi hiam?
A suah hun uh thei na hi hiam?#Pc 31:7-9
3 Amaute opsakin a no a suak uh hi;
tasuah natna a thuak kha nawn kei uh hi.
4 A note uh khanpha in, gam sungah hat uh hi;
a pite nusia uh a, zuan kik nawn lo uh hi.
5 "Gamsung laate kua in khah ahi hiam?#Pc 16:12
A khau kua in sut ahi hiam?
6 Ama inn dingin gamtak lak ka pia-a,#Job 24:5
a ten nadingun sih omna zangte ka pia hi.
7 Khuasung gamlumna nuihsan bek a,#Job 5:22
leeng hawlte otna a za kei hi.#Job 3:18
8 Mualno dungte ah gamta a,#Isa 32:20
singhing lohing a zong hi.
9 "Gam bawngtalte in nang na sem nuam ahi hiam?#Ms 23:22
Zanin na gan-ankuang gei-ah giak nuam ding hiam?#Pc 42:27
10 Lokalhna ah gam bawngtal a khau-in kai zo na hi hiam?
Na nungah mualkuamte kho ding ahi hiam?
11 A hat luatna hangin a tungah na kinga ngam ding hiam?#Job 40:16
Na nasep haksa amah na nusiat ding hiam?
12 Na antang pua in an cilna phualah
a khawm dingin na muang thei diam?
13 "Kala-oh vasate in a khate nuamtakin zaap hiathiat uh hi,
ahi hangin tui vapi khate le a khavengte tawh kitehkak thei lo hi.#Zec 5:9
14 A pite leitungah tui uh a,
sehnel lakah lumsakin
15 khe khatpeuh in tuate a sikkhak ding le
gamsate in a tuatkhak ding ngaihsun lo uh hi.#2Ku 14:9
16 Ama aa ahi lo bangin a note ngong khoi a;
a sepna a mawkna-a hih na a awlmawh kei hi.#La 4:3
17 ahang in, Pasian in pilna guan loin
ahikeh ngaihsut-siamna a pia kei hi.#Job 21:22
18 Tua hi napi tai dinga a khavengte a zaak ciangin
sakol le a tunga tuangpa a nuihsan bek hi.#Job 5:22
19 "Sakol hatna nang piaksa sa a,
ahikeh a ngawngmul nang posak sa na hi hiam?
20 Nang in kauphe bangin tuansak a,#Joel 2:4-5
a lauhuai dingin phitsak na hi hiam?#Job 41:25
21 Amah in nakpipi in lei khuat a,
a hatna suangin gal sungah dianggawp hi.
22 Launa nuihsan bek a, bangmah a kihta kei hi;#Job 5:22
namsau mai-ah a dual tuan kei hi.
23 Thaltang bawm, atee zialzial teipi le tulzum in#Na 3:3
a pang sat lengleng hi.#Isa 5:28
24 Lauthawng kawm le lawp lua-in leitang ne a,
pengkul a kimut ciangin a omkhong thei kei hi.
25 Pengkul a kimut nak leh phit in a ham hi.#Jos 6:5
Amah in gamlapi panin gal gimnam za a,
galkap mangpa otna le gal awging thei hi.#Jer 8:5
26 "Nang pilna hangin simbu lengin
leitaw lamah a kha zal ahi hiam?#Jer 8:7
27 Nang thupiakna mangin muvanlai sanglen a,
a sangpi ah bu tom ahi hiam?
28 Amah kenbangah teng a, zan ciangin tua lai-ah a giak hi;
ama kulh muanhuai suang hengkawm ahi hi.#Jer 49:16
29 Tua lai pan an zong dingin kuankhia a,#Job 9:26
a gamlapi panin a mitin mukhia thei hi.
30 A note sisanin kivak uh a,
ganhing kithahna munah amah a om hi," a ci hi.#Mt 24:28
Currently Selected:
Job 39: ZIV
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen-GB.png&w=128&q=75)
Want to have your highlights saved across all your devices? Sign up or sign in
Copyright 1994 Myanmar Center for World Mission