1 Peter 4
4
Pasian ading Nuntakna
1Tua ahi ciangin Christ in ama pumpi-in a thuak khit zawh nungsang no le no zong tua bang lungsim tawh na kigalging un. Bang hang hiam cih leh a pumpi-a a thuakpa mawhna tawh kikhen khia zo hi. 2 Tua hangin ama leitung nuntakna a om laiteng mihing lunggulhna gilote ah nungta nawn loin Pasian deihna ah a nungta zaw hi. 3 Ahi hangin, lawkite in hih dinga a teel uh hukna lanna ah note nungta-in, kilunggulhna, zukhamna, zu-uangdawnna, zu-nopdawnna le a kihhuai milim biaknate hihin hun beisa, a hunkhop na zang khin uh hi. 4 Amaute tawh kibanga uangtat-luatna sunga na va kihel nawn loh uh ciangin lamdang sa-in hong siat gen uh hi. 5 Ahi hangin a si mite le a hing mite thukhen dinga kigingsa pa mai-ah amaute thu amau mah in a gen ding uh hi. 6 Ahang in, tu huna a sisate tung nangawnah lungdamna-thu a kigenna hih thu hang ahi hi. Tua in amaute pumpi-a om mihing hihna tawh kizui-in thu a kikhen theih nading le kha tawh kisai-a Pasian deih banga a nuntak theih nading uh ahi hi.#Ro 6:2; 1Pe 2:21
7 Na khempeuh a beina nai ta hi. Tua ahi manin thu na nget theih nadingun lungsim siangtho le no le no ki-uk zoin om un. 8 Tuate khempeuh banah, itna thukpi-in khat le khat na ki-it un, bang hang hiam cih leh itna in mawhna tampitak a khuh hi. 9 Phun loin khat le khat zin na kido un. 10 Mikim in midangte na a sep nadinga a ngah letsong peuhmah, Pasian hehpihna a nam tuamtuam ah, muanhuaitakin zang ding hi. 11 Mi khatpeuh in thu a gen leh Pasian kammalte mahmah a gen bangin gen ta hen. Mi khatpeuh in mi na a sep leh, na khempeuh ah Jesu Christ tungtawna Pasian a kiphat theih nadingin Pasian piak thahatna tawh sem ta hen. Ama tungah minthanna le vangliatna a tawntungin om den ta hen. Amen.#Ro 12:68
Christian Hina Hanga Thuakna
12 Kong it lawmte aw, na thuak uh gentheihbawlnate no tungah a lamdang pi-a tung bangin lamdang sa kei un. 13 Ahi hangin ama minthanna hong kilaak ciangin na lungnopna uh a dimlet theih nadingin Christ thuaknate a thuakpih na hina uh hangin na lungdam un. 14 Pasian le a minthanna Kha note tungah om ahi manin, Jesu min hangin note hong ki-engko leh thupha ngah na hi uh hi. 15 Na thuak uh leh zong tualthat hiam, guta hiam, mawhna lian khatpeuh ahikeh mi thusia va kum kha-a thuak bang nangawn hi kei hen. 16 Ahi ta zongin Christian hina hanga na thuak uh leh maizum loin, tua min na puakna uh hangin Pasian na phat zaw un. 17 Ahang in, Pasian innkuan sungah thukhenna a kipat hun ahi hi. Eite tungah hong kipan ahileh Pasian lungdamna-thu a mang lote bang suak tazen ding uh ahi hiam? 18 Tua hi a,
"Midikte adingin kihotkhiat nading haksa ahileh,
a pasian-milo le mawhnei mi bang suak tazen ding hiam?" a#4.18 Pn. 11:31
19 Tua ahi tak ciangin, Pasian deihna zui-a a thuakte, a muanhuai amaute a bawlpa tungah amau le amau kipia-in, a hoih a bawl uh zom suak uh hen.#1Pe 2:15; 3:17
Currently Selected:
1 Peter 4: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission