Pisalema 4
4
Xikhongelo xa madyambu xa loyi a tshembaka Xikwembu
Risimu ra Muyimbelerisi, leri hlaveleriwaka hi swipendana. Pisalema ya Davhida.
1We Xikwembu, mulweri wa tifanelo ta mina,
ndzi hlamule loko ndzi huwelela.
U ndzi nyikile ko tumbeta nhloko, loko ndzi ri emaxangwini;
sweswi ndzi twele vusiwana, u yingisa ku khongela ka mina.
2N'wina vanhu, xana mi ta sandza vumunhu bya mina ku fikela rini xana?
Xana ku tsakela leswi nga pfuniki nchumu ni ku landzelela mavunwa, mi ta swi tshika rini xana?
3Tivani leswaku HOSI yi tihlawulerile munhu loyi a yi khongelaka;
loko ndzi huwelela eka yona HOSI, ya ndzi yingisa.
4 Karihani, kambe mi nga dyohi;
vulavulani hi timbilu loko mi etlele emasangwini, mi miyerile!
5Humesani magandzelo lama nga wona,
mi veka ku tshemba ka n'wina eka HOSI.
6Vanhu vo tala va ri: “Mawaku loko hi nga kuma minkateko!
We HOSI, hi langute, u hi komba tintswalo!”
7Kambe wena u engeterile ntsako embilwini yanga,
wu tlula lowu va nga na wona loko va pfunile mavele ni vhinyo.
8Ndzi ta tilata ndzi etlela hi ku rhula,
hikuva hi wena ntsena, we HOSI, loyi u endlaka leswaku ndzi tshama ndzi hlayisekile.
Currently Selected:
Pisalema 4: TSO89
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1989. Used with permission. All rights reserved.