Yoana 19
19
Bekuvualikia Yesu Nkumbu za Mikele Kuitoe, nu Kumusungia Ingo Nsungio.
Mat. 27:27-30; Mk. 15:16-20.
1Pilato akatile Yesu, nu amulibuide kasusu ka musinge. 2Nu bakoloboyo balukile nkumbu za mikele, nu bamubikilezo kuitoe, nu bamuvualikizie nsulu za kisimana; 3nu bamuvuilide nu babuide bune, Samba, Mukota wa baYuda! nu bamulibuide ngizi. 4Nu Pilato atukile, nu abavuilide, nu ababuide bune, Lolazi, namuvuila nage, buno mumenye buno, nsiamumona na katati kampa. 5Yesu abasile kumbuga, abezaga esavuala zezo nkumbu za mikele, nu zezo nsulu za kisimana. Nu Pilato ababuide bune, Lolazi tanga, wono muntu! 6Basankoga banene nu bakambi gabamumueneko balalukile bune, Mutakazi, mutakazi! Pilato ababuide bune, Inyue benyene, ubamukata nu mumutake, nsiamumona na katati kampa. 7BaYuda bamuakuide bune, Tuli na mulembe weitu nu ku mulembe weitu atananina kukua, kubuno eibuide buno, u Muana wa Kalaga. 8Gongule Pilato ku bubo, akule boba; 9nu eingide lingo mu Palatolia, abuzizie Yesu bune, Watukile kuni? Tondo Yesu ntamuakuide buampa. 10Pilato amubuide bune, Ntukunakula? ntuizi buno, nne nili na buangato bua kukukandula, nu nili na buangato bua kukutaka? 11Yesu amuakuide bune, Ntunabede na buangato kundi, songo ntuakasiluebo kutuka muigulu; kubuno wozo wangabula kuguli uguli na katati nunse. 12Nkungu zezo Pilato alondile kumukandula: tondo baYuda balalukile bune, Ndi wakandula muntu wono, ntuli muida wa Kaisa: muntu unsania ukuibula buno eli mukota nti ekusomba Kaisa. 13Nu Pilato, gongule ku bubo, avule na Yesu kumbuga, eikeide ga kisumbi kia lusungio gamanagua Luanda lua Makozi, nu ku kiEbelo buno, Gabata. 14Nu busi bua Kulongeka kua kisagulo kiesuluko buabezaga; nu zabezaga zise nkungu mutuba. Abuide baYuda bune, Lolazi, Mukota weinyu! 15Nubo balalukile bune, Endazi nage, endazi nage, nu mumutake! Pilato ababuide bune, Ndi nitake Mukota weinyu? basankoga banene bamuakuide bune, Tatuli na ungo mukota, tugu Kaisa. 16Bubo abagabulidewe, buno atakue.
Bekutaka Yesu ku Muti wa Magu. Mat. 27:33-54; Mk. 15:22-39; Lk. 23:33-47.
17Bakatile Yesu; we ekile muti wage wa magu, endile ku kiziki kiamanagua buno, Kiziki kia lukungu, kiamanagua mu kiEbelo buno, Gologota: 18gago ugabamutakile ku muti wa magu, nu bango babili nage, umozi kueno ntungo nu ungo kueno ntungo, nu Yesu gabasamba. 19Nu Pilato asanzile isanzo, nu alianikile ku muti wa magu. Nu liasanzilue buno, YESU WA NAZALETA, MUKOTA WA BAYUDA. 20Nu lilio isanzo liasominue na baYuda beingi, kubuno ga kiziki kikio kia gatakidue Yesu gabezaga buigi na muino; nu isanzo liasanzilue mu kilibelo, nu mu kiLatina, nu mu kiGeleka. 21Basankoga banene ba baYuda batendile ku Pilato bune, Ntusanze buno, Mukota wa baYuda; sanza tugu buno, we atendile buno nili Mukota wa baYuda. 22Pilato abakuide bune, Nasanza bunasanza.
23Gasilile bakoloboyo kumutaka ku muti wa magu, bakatile nsulu zage nu bazatene ku bibe binazi, nawe nawe na kiage kibe; bakatile nu ikoti lingo, nu lilio ikoti talialandilue, liabezaga liasambikua. 24Nu batendile buabo buabo bune, Tatunazata, tondo tuzesazi mbale, nu tumenye nazi wazilase: bubo lizindilile lilio isanzo liasanzilue bune,
Babeganizie nsulu zane,
Nu besede ikoti liane mbale.#Luimbo 22:18.
25Bubo ubuakitile bakoloboyo. Nu nina wa Yesu abezaga emana buigi na muti wa magu, nu nina muana muto, Malia mukikulu wa Kelopa, nu Malia wa Magadala babezaga bemana kuko. 26Yesu gamonine ku nina, nu muigisibua wabezaga atunda, atendile ku nina bune, Mukikulu, lola, muana wobe! 27Nu atendile ku wozo muigisibua bune, Lola, nyoko! Nu mu zezo nkungu muigisibua endile nage kuage ku-numba.
28Kusila kua bubo Yesu amenyine buno, bunsania buazindilila, buno masanzo mazindilile, atendile bune, Nkukua na mpusia. #Luimbo 69:21. 29Nu gabezaga idega lieyala na maku; bezazizie luata na maku, nu balubikile ku musumbo, bamukominelo ku busundo. 30Nu gakasilue Yesu maku, atendile bune, Buasila: nu akumbamizie itoe nu eidekanizie wenyene.
31Nu BaYuda, ku kabamba ka Kulongeka, buno bitumba tabisigale ku muti wa magu busi bua sabato (kubuno busi bua zezo sabato buabezaga busi bunene), baYuda basegile Pilato, buno babuhgule makua ma magulu mabo, nu babatikie. 32Bakoloboyo bavule, nu babunguide mutangi makua ma magulu, nu wozo ungo watakilue na Yesu: 33tondo gababasile ku Yesu, basangile esalekana, nu tababunguide lingo makua mage ma magulu: 34tondo mukoloboyo umozi amusumitile neisumo mu mpege, nu kazanga kongo mikila nu mazi biabasile. 35Nuwe wamonine alongekile, nu bulongeki buage buli bulili: nuwe eizi buno atendile bulili, buno mukatizie. 36Bubuno buakitilue buno masanzo mazindilile, anga buatendile mu masanzo bune, Ikua liage talikabungulua. #Zakalia 12:10.
37Nu lingo isanzo likutenda bune,
Bakalola wozo ubasumitile.#Zakalia 12:10.
Bekubika Yesu mu Nsinda.
Mat. 27:57-60; Mk. 15:43-47; Lk. 23:50-56.
38Kusila kua bubo, Yosefu wa Alimataya, we abezaga muigisibua wa Yesu ku lumbisombiso, kubuno akuaga baYuda boba, asegile Pilato buangato buno atole kitumba kia Yesu: nu Pilato amukasile buangato. Bubo endile kutola kitumba kiage. 39Nu Nikodemo, wozo walingile kuenda ku Yesu mu kindi, avule asambika aliga nu bulago, buzitu buabio buabezaga kilogalama makumi manazi. 40Batolile kitumba kia Yesu, nu bakikandile na nsulu zabota na bubo bulago, anga buabezaga lukita lua baYuda ku nsinda. 41Nu gago gabamutakilaga gabezaga isoa; nu mu lilio isoa muabezaga ingo nsinda, zabezaga tazibikua mu ungo muntu. 42Ku kabamba ka Kulongeka kua baYuda, babikile Yesu ku zezo (kubuno zezo nsinda zabezaga buigi).
Currently Selected:
Yoana 19: NTKI57
Highlight
Share
Copy
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.