Popular Bible Verses from Daniele 9

Share

Ndakakomba kuli-Jehova Leza wangu akulyaamba zibi, ndati, Akaka Mwami, Leza mupati uuyoosya, uusyomeka mucizuminano cakwe, uubafwida luzyalo boonse bamuyandisya akubamba milao yakwe!

Cenjeka matwi aako, O Leza wangu, uswiilile. Bbanuna meso aako, ubone mapenzi esu, amunzi uuli azina lyako. Tatuleti inkumbizyo zyesu kulinduwe nkaambo kabululami bwesu, pe, tulazileta nkaambo kaluzyalo lwako lupati. O mwami, swiilila. O mwami, kotulekelela. O mwami, swiilila akucita, utamuki pe, nkaambo kazina lyako omwini, O Leza wangu, nkaambo izina lyako lililembedwe amunzi wako abantu bako.

Mpawo ndakalanzya busyu bwangu ku-Mwami Leza kukumuyandaula azikombyo azikumbizyo cakuliimya kulya acakusama zisani zyamasaka akulibubula mutwe.

Mwami Leza wesu ngujisi luzyalo alulekelelo, nkaambo twamupapila

Lino uyootanga cizuminano ciyumu abantu banji kunsondo yomwe, alimwi cisela cansondo yomwe uyoolesya zipaizyo azituuzyo. Nkabela sikusaala uyooboola amababa aazisesemyo, mane lumwi mamanino aabikidwe atililwe sikusaala.