Popular Bible Verses from KOLOSIƐN 3

Share

Ɛ̀nɛ̀ de munyal ha̧ ŋmaa in o ŋmaa; ɓɛɛ kà ŋma bíí mgbara'nɛ́ nɛ́ bòó nɛ̀ wen in sɛm kɔ‘i, ɓɛɛ wa a̧ é nɛ́ ɗaŋmɔ ha̧ ŋmaa. Hee mɔ'ɔ nɛ̀ Gasa Wan ee nɛ̀ ɗaŋmɔ k’ɛ́nɛ́ h’ɛ́nɛ́ ga, ɛ́nɛ́ mbɛt, ɛ̀nɛ̀ dé kale-a hegɔ.

wen mgbák mɔ k’ɛ́nɛ́ nɛ̀ mɔ wan mɛ́ ŋgɔn mɛ, nɛ̀ bó nɛ́ sɛn zaŋnu’ɛ na.

Kóó ɛ́nɛ́ de nɛ́ ge tom ge, ɛ̀nɛ̀ dé nɛ̀ desee hee ha̧ Gasa Wan ga, nɛ̀ bó nɛ́ hee ha̧ bíí ga na.

Hee mɔ'ɔ nɛ̀ Sɔ̧ kɔ̧ɔ̧‘nɛ́ ɓɛɛ hok'nɛ́ ha̧ war-tɛ‘nɛ́ mɛ́ sa̧ ga, ɛ̀nɛ̀ pí̧ laa-deako, dee demɔ, mɔka-see, ga̧a̧-see in nɔɔ-ŋgiɗi.

Wen ko Krist a̧ dúk mgbara'nɛ́ nɛ̀ oi demɔ kɔ‘i lɛŋ; ɛ̀nɛ̀ úsí mɔ, tɔ̧ nɛ̀ mbɔrɔ ha̧ ŋmaa nɛ̀ kpasa iŋa-mgbara-mɔ. Ɛ̀nɛ̀ bíí gima de nɛ̀ osoko ha̧ Sɔ̧ sɛn kɔ̧ see'nɛ́, ɛ̀nɛ̀ bíí gima-wor-sɔ̧, o gima-zɔn-sɔ̧, in o gima nɛ̀ Sa̧a̧ Ɔmi usi h’ɛ́nɛ́. Mɔ n’ɛnɛ tɛ́ tɔ̧ in mɔ n’ɛnɛ tɛ́ de lɛŋ, ɛ̀nɛ̀ dé mɔɔ nɔ‘i nɛ̀ nin Gasa Wan Jesu, de nɛ̀ osoko ha̧ Sɔ̧, Dáà, nɛ̀ ɗoŋ Jesu.

Ɓɛɛ zu-a'i lɛŋ, ɛ̀nɛ̀ dúk nɛ̀ kɔ̧ɔ̧mɔ nɛ̀ duk nɛ́ kpasa mɔɔ-mɔi̧-bíí mɛ́ duk ndaɗi kpɔk in o ŋmaa.

Hee mɔ'ɔ n’ɛnɛ kpasa in Krist kaɗi ga, ɛ̀nɛ̀ kíí nɛ̀ mɔ wan mɛ́ si ŋgɔn, fara nɛ̀ Krist duk sɛnɛ nɛ̀ war wii-er Sɔ̧

Ga̧a̧mɔ ko Krist a̧ ɔ́ wan kɔ̧ see'nɛ́; mɛ̀ nɛ́ ga̧a̧mɔ‘i a̧ Sɔ̧ saa'nɛ́ lɛŋ si sɛnɛ sɛn tɛ kpɔk kiitɛ. Ɓɛɛ ɛ̀nɛ̀ dúk tɛ dee osoko.

Ɛ̀nɛ̀ gbɛ́ o mɔɔ-zaŋnu nɛ̀ a̧a̧ tɛ‘nɛ́ yinɛ: mɛ̀ nɛ́ dàlà, ndiŋmɔ, wɔ-tɛ-ŋmaa in wɔ-ɗaŋmɔ, ká bá nɛ̀ zɔm wɔ-mɔ nɛ̀ duk nɛ́ ŋma gasa géé-sɔ̧.

Ɛ́nɛ́ nɛ́ o bíí nɛ̀ fea, ɓɛɛ duka-kpasa k’ɛ́nɛ́ duk nɛ̀ hu̧sa̧-a̧ in Krist tɛ Sɔ̧ mɛ.

Ɓɛɛ kinii, ɛ́nɛ́ mbɛt, ɛ̀nɛ̀ síŋ o pɛrti mɔɔ nɔ'ɔ lɛŋ a nù: nyimsea, kura-see in ɗaŋ, dara in ndiŋ-wen nɛ̀ gbo nɛ̀ kɔ̧ nú-wi.

K’ɛ́nɛ́ de ndela mgbara ŋmaa ɓɔna, wen ɛ́nɛ́ kpɔ̧i̧a̧ gba̧‘a̧ bíí yinɛ tɛ‘nɛ́ hee laa ga in o deemɔ kɔ̧-a̧, ɓɛɛ ɛ́nɛ́ pi̧ nɛ́ mbe bíí tɛ‘nɛ́, wan nɛ̀ kaɗi kpaia tɛ nɛ̀ mbe-a mɛ́ hɔ ŋmaa in gi̧ɔ̧-tɛ wi nɛ̀ dee a̧ na, wen ha̧ a̧ mɛ́ kpa iŋamɔ.

Wiwii, ɛ̀nɛ̀ kɔ̧́ o kóò k’ɛ́nɛ́, ɓɛɛ ká see'nɛ́ tú̧ zu wa na.

O bem, ɛ̀nɛ̀ mbó zu ha̧ o dáà in nàà k’ɛ́nɛ́ tɛ́ mɔ lɛŋ; nɛ́ mɔ‘i a̧ Gasa Wan kɔ̧ɔ̧ tɛ‘nɛ́.

Okoo, ɛ̀nɛ̀ mbó zu ha̧ o wíì k’ɛ́nɛ́, hee mɔ'ɔ nɛ̀ bíí ko Gasa Wan tɛ́ de ga.