Popular Bible Verses from Efes-sâ 6

Share

Kayam ei duri ayîna ni ki suma d’i, wani ni ki muzuk ma teteng ma tcho ma te yamba, ni ki muzuk ma teteng ma tcho ma ad’eng ma nga mi te yam duniya d’a nduvun nda wandina, ni ki muzuk ma teteng ma tcho ma nga aduk akulod’ina.

Agi lagi ahle ndazina pet ni kur tchenda. Agi tchenegi Alona mi ndjunugiya. Agi tchenegi Alona ata yima lara ge pet yam ad’enga hi Muzuk mamid’a. Agi kagagi ki ndjola teteu ki d’engzenga. Agi tchenegi Alona yam sum mama pet mi.

Ar agi tchugugi ahle suma dur ayîna hAlonina pet atagiya, kayam agi fagi ad’enga á tchologi ngingring kayam lemba hi Diable-d’a.

Kayam ndata, ar agi yogi ahle suma dur ayîna hAlonina pet abogiya, kayam agi fagi ad’enga á tchologi á d’elem kur bur ma tchona. Bugol la agi kuzugi yam ahlena peta, agi tchologi ngingring.

Ata yima lara ge pet, agi tchologi ki he gagazid’a d’igi sana mi tchol ki mbareid’a abom na, kayam agi fagi ad’enga á tchagi si djam mba zala hi ma tchonid’a woi pet. Agi kulubugi suta kagi d’igi djumba na, agi vagi zlad’a hAlonid’a d’igi mbigeu d’a fiyak ka Muzu’â hAlonina mi hagizid’a na.

Agi minigi tagiya. Agi siragi ngingring kur gagazid’a d’igi sana mi djin d’i’â furum na. Agi tchugugi d’ingêra atagi d’igi kongrongâ na. Agi tchugugi atuguru ma min tad’a asegi á tchi wal Zla d’a Djivi d’a mba ki b’leng nga halasid’a.

Vama arâ, agi siragi ngingring zlapa tu ki Salad’a, kur sib’ika had’eng mambid’a mi.

Ar ang hu abung kasungû. Wana ni vun ma he ma avok ma nga zlapa ki vun ma hled’ina. Hina wani, ang mba kak ki djivid’a, ang mba te ngola tatâ yam andagad’a mi.

Agi gugureina, vama djivina avok Salad’a, agi humugi vun simiyêgiya.