Popular Bible Verses from Hechos 1

Share

Tsënö kaptinpis Espíritu Santu qamkunaman shamuptinmi poderninta chaskiyanki. Chaskirirnam willakïnïta willakuyanki Jerusalénchö, jinantin Judeachö, Samariachö y llapan markakunachöpis>>.

Jesúsnam nirqan: <<Manam tsëkunata musyayänëkitsu. Imë junaq imë höra pasakunanpaq kashqantaqa Teyta Diosllam musyan. Pëmi puëdiq këkan munashqan höra tsëkunata rurananpaq.

Apostolninkunawan këkarmi Jesús kënö nirqan: <<Qamkunata willayashqaqnömi äniyäshushqëkita Teytä kachamunqa. Tsëta manaraq chaskirqa Jerusalénpita amaraq ewkuyankiraqtsu. Juanqa yakullawanmi bautizarqan. Qamkunaqa Espíritu Santuwanmi bautizashqa kayanki. Tsënö bautizashqa kayänëkipaqqa ichikllanam pishikan>>.

Wanushqanpita kawarirkamurmi pëkunata yuripurqan chusku chunka (40) junaqyaq. Rasunpa kawëkashqanta creyiyänanpaqmi tukïnöpa yachatsirqan. Tsënöllam Teyta Diospa mandakïninpaqpis shumaq käyitsirqan.

Tsënö parlar usharirmi pallarikar qallëkurqan. Rikarëkäyaptinmi pukutë rurinman yëkur illakärirqan.

Tsënö këkäyaptinmi yulaq ratashllashqa ishkaq nunakuna juklla yurirkur niyarqan: <<Galilea nunakuna, ¿imanirtaq ciëluman rikarëkäyanki? Nöpëkikunapita ciëluman ewkushqannöllam Jesús yapë kutimunqa>>.