Popular Bible Verses from 1 TIMOCI 4

Share

Me kakua ni dua me beci iko baleta walega ni o sa cauravou tiko, ia mo yaco mo i vakarau vei ira era sa vakabauta ena nomu vosa, ena nomu i tovo, ena loloma, ena vakabauta kei na yalosavasava.

E tiko na kena yaga na vakaukauwa yago, ia na vakaukauwataki ni yalo sa yaga ena ka kecega, baleta ni sa yalataka na rawati ni bula ena gauna oqo kei na gauna ena muri mai.

Qarauni iko vinaka kei na nomu i vakavuvuli. Mo vakayacora tikoga na veika oqo, baleta ni kevaka o sa cakava vakavinaka vakaoqo, o na bula kina kei ira talega era sa rogoci iko.

Sa tukuna vakamatata na Yalo Tabu ni ra na vuki tani eso ena gauna emuri mai na vakabauta; era na goleva ga na yalo dauveivakacalai eso kei na veivakavuvuli ni tevoro.

Kakua ni goleva na i tukuni makawa eso sa sega ni vakalou, ka sa sega ni yaga me veitalanoataki tiko. Vakarautaki iko vinaka ga ena bula vakalou.

Mo gumatua ena wilika na i Vola Tabu vei ira na lewe vuqa, ena vunau kei na veivakavulici me yacova na noqu lako yani.