1
Loma 12:2
Livulu lya Shukulu Kalunga
Kesi mulipwise ngwe vanu va muno mu kaye, oloni eceleni Njambi atengulule viyongola vya mu vimbunge vyeni. Asinoni mukazivuka cizango ca Njambi, vije vyavivwa nevi vimuvwaelelesa nevi vyakushungama.
Compare
Explore Loma 12:2
2
Loma 12:1
Ngecivene, vakwetu, omwo mema ku mbunge a Njambi akama manene kuli yetu, njimilambelela ngwange, lilambuleni yeni vavenya kuli Njambi ngwe n̄ombelo yakuyoya, likundikeni ku vipangi vyendi nakumuvwaelelesa. Oku kukekwo kulemesa kwa vushunga kuje munapande kulinga.
Explore Loma 12:1
3
Loma 12:12
Cinyangavili ceni cimivwaelelese, pweni vaka-lukakateya mu tuyando tweni, co lombeleni simbu yoshe.
Explore Loma 12:12
4
Loma 12:21
Kesi mutave vuvi vumihyane, oloni hyaneni vuvi na vuvwa.
Explore Loma 12:21
5
Loma 12:10
Lizemeni umo na mukwavo ngwe vandolome na vandokazi, co litakameseni nakulisingimika umo na mukwavo.
Explore Loma 12:10
6
Loma 12:9
Cizemo cinapande kutungukwa. Zindeni vyuma vyoshe vije vinapu vyavivi, kakateyeni kuli vije vyavivwa.
Explore Loma 12:9
7
Loma 12:18
Lingeni vyuma vyoshe ngwe mumunasela nakuyoya mu kwoloka kuli munu na munu.
Explore Loma 12:18
8
Loma 12:19
Vasamba vange, kesi mulinge shambandinga, oloni eceleni vukalu vwa Njambi vucilinge. Omwo visoneka vyendeka ngwavyo, “Yange njilinga shambandinga, njikavelwisila fweto yavo, mwanendeka Shukulu Kalunga.”
Explore Loma 12:19
9
Loma 12:11
Pangeni manene na nzili kesi mupwe volwa. Pangeleni Mwene nakulyakako na mbunge yoshe.
Explore Loma 12:11
10
Loma 12:3
Omwo vwana njinatambula vwa mema ku mbunge a Njambi njilinakwendeka kuli yeni voshe ngwange, kesi muliyongole yeni vavenya kupwa muvakama manene kutuvakana omu mumunapu. Oloni, munapande kulikeesa mu viyongola vyeni, liiluleni yeni vavenya ngwe kukukulaela kweni kuje kwanamyana Njambi.
Explore Loma 12:3
11
Loma 12:17
Nga umo nakuviisila, kesi umwilwisile vuvi vwendi lalo embwe. Lingeni vyavivwa ku mesho a vanu voshe.
Explore Loma 12:17
12
Loma 12:16
Yoyeni mulizivasano umo na mukwavo. Kesi mulyalese, oloni likeeseni mu vipangi. Kesi muliyongole yeni vavenya ngwe munapu vaka-kunyanyama.
Explore Loma 12:16
13
Loma 12:20
Oloni, ngwe muvyendeka visoneka ngwavyo, “Nga muka-n̄ole yove ali na njala, mwane vyakulya, nga ali na lihwila, mwane mema anwe, omwo akulinga eci ulinakumulingisa ngeci azive shwamwa.”
Explore Loma 12:20
14
Loma 12:14-15
Vezikiseni vaje valinakumiyandesa, eyo, vavezikiseni, co kesi muvasinge embwe. Vwaeleleni na vaje valinakuvwaelela, lileni na vaje valinakulila.
Explore Loma 12:14-15
15
Loma 12:13
Lipangeleni vije mulinavyo na vakweni vaka-Yesu vaje vanajeneka, co tambuleni vangenzi mu vinjuvo vyeni.
Explore Loma 12:13
16
Loma 12:4-5
Omwo tuli na vilyo vyavingi mu muvila umolika, co cimo na cimo cili na vipangi vyaco. Mu ngila eyi vene, nambe tunapu tuvavangi, tunapu muvila umolika muli Kilistu, co yetu voshe vanatunungila kuli umo na mukwavo ngwe kulyangunuka kwa vilyo vya muvila umolika.
Explore Loma 12:4-5
YouVersion uses cookies to personalize your experience. By using our website, you accept our use of cookies as described in our Privacy Policy
Home
Bible
Plans
Videos