Popular Bible Verses from Rum. 15

Share

Jintia íimprutai̱ Yuska Yus enentáimtakrumin ashí warastinniasha tura ashí aṉkant shiir pujustinniasha suramsati. Túramtai Yusa Shiir Wakaní̱ kakarmari̱ji̱a̱i̱ nuna naṉkaamas jintia íimprustinian amasti.

Núnisaṉ ashí yaunchu Yus Papinium aarma iin jintintrámatniun áararmiayi. Nuja̱i̱ atsaṉtamkurin shiir wainkiattajnia nuka katsuntrar nákastatji.

Yus atsaṉtamar katsuntratniun jintintramji. Tuma asa Jesukrístu túramia áintsaṉ atumniasha chikichik enentáiji̱a̱i̱ enentáimtunaisar pujustinian yainmakarti. Nuja̱i̱ ashí métekrak Yus shiir awajsattarme. Nisha ii Uuntri̱ Jesukrístuncha Aparí̱nti.

Tuma asamtai chíkich shuarja̱i̱sha shiir awajnáisatarum. Kristu núnisaṉ Yusan shiir awajsat tusa iincha shiir awajtámsamiaji.

Chíkich shuar wakeramu enentáimtustiniaitji. Tura Yusja̱i̱ nú naṉkaamas shiir wekasatniun yáiṉminiaitkiui túratniuitji.