Popular Bible Verses from Proverbios 13

Share

Ca sa iỹotec na ỹaanaxanaxaicpi qalaq nataqa'en ỹaanaxanaxaic, qaq ca sa iỹotec na qaica ca ỹaỹaanapec qalaq taỹa'a da deqat.

Ca ilo'oguelo naua la'aqtaqa qalaq maiche ntela'a da nachaalataxac, qaq ca qalota na la'aqtacpi qalaq maiche nlaxattapeguela't.

Ca saishet da nlaxanec ca llalec qache saishet da ỹauotec, qaq ca ỹauotec ca llalec qalaq nlaxanec da lataxac camaye.

Ca aquitaxac maye saipaigui, qalaq daỹalli naqa'en añi nquiyaqte, qaq ca qoỹeetapeguec da ipacchigui qalaq 'eeta'am aca qo'oipaq maye huo'o da lca'alaxa.

Naua ỹaỹamaqchiyiñi lataxaco mpaxattaleguete ca ỹale qaica ca ỹasouaxat, qaq na qauemsat qalaq nlaxaañi ca 'etaxaloxoic.

Da nỹalaqtoc nsallaxa, damaye taỹañecra, qaq ca npottac da laỹonaxanaxac qalaq nquictasheguem da lsallaxa.

Da 'amqaanaxac ỹo'oteua'a da loquiaxac, qaq da naỹaanec qalaq hueta'aguet ca sa na'amaqten.

Ca ỹale no'on da lataxac qalaq no'onaxata'aguet na laualpi na lalamaxatpi, qaq da lsallaxa ca 'etaxaloxoic qalaq talec ca no'on da lataxac.

Ca ñalec ỹaanaxanaxaic ỹaconeguet na lapaxaguenataxanaxacpi ca lta'a, qaq ca saiuooneguet da qaitaxaỹot qalaq saiqocha'a na nqataxacpi.

Ca ỹo'otan na nqataxacpi qalaq taỹa'a da lachoxoyec qataq qaica ca llo'oxoyec, qaq ca ỹasateguet da qaitaxaỹaua'a qalaq ỹaconeguet ca ño'oxonnataguec.