Popular Bible Verses from 2 Tesalonicenses 2

Share

Maya c'u ib alak casocotaj alak, ma nabe na cac'un ri k'ij echiri' uq'uiyal winak caquic'ak bi uk'ij ri Dios y cuk'alajisaj c'u rib ri jun itzelilaj achi, ri c'o chi ri k'atbal tzij re ri Dios puwi' re casachisax uwach.

Ec'u ri'oj, hermanos, chirajawaxic xaki cojtioxin chwach ri Dios uma ralak ri lic c'ax cana' alak ruma ri Kanimajawal, ma ri Dios ucha'om chi lo alak chwi rujekebal ruwachulew cha' cac'ul alak ri colobetajic. Yey wa' e ruma xcoj alak ri K'ijsak y ruma ri cu'an ri Ruxlabixel ri Dios, ri cu'an chom che ri binic silabic alak.

Ec'u wa' wa'chi cayactaj chirij ri Dios y chirij ronoje tak ri calok'nimax uk'ij cuma ri winak, wa' e tak ri qui'anom tiox che. Rire que'tz'ula ne chupa ri Rocho Dios, cu'an che rib pacha' e Dios y cuc'ambej ne uwach ri Dios.

Caka'an c'u orar pawi' alak chwach ri Kanimajawal Jesucristo y chwach ri Kakaw Dios, ri c'ax xna'w ke y xaki cunimarisaj kac'u'x yey cuya chike cacubi' pana kac'u'x che ri koye'em ruma ri unimal rutzil uc'u'x. Cakatz'onoj c'u che ri Dios chunimarisaj c'u'x alak y chujiquiba' c'u'x alak che ubi'xiquil y che u'anic ri lic utz.

Ruma c'u wa', ri Dios cuya luwar quesocotaj ruma ruchuk'ab ritzel; ec'u rique e caquicoj ri xa rak'ubal.

Echiri' cac'un wa' wa jun itzelilaj achi, cu'an nimak tak c'utubal y milagros ruc' ri unimal chuk'ab ya'tal che ruma ri Satanás. Ronoje c'u ri' wa', cu'an ruc' socoso'nic, ma e pacha' cu'an wa' ruc' ruchuk'ab ri Dios. Yey cu'an uq'uiyal uwach tak mac cha' quebusoc ri ticawex, ri xa quesachic ruma na xcaj taj caquic'ul ri K'ijsak cha' quecolobetajic.

Ritzel winak catajin chi che ucojic pa quijolom ri winak queyactaj chirij ri Dios tob rique na caquina'bej taj we e rire ca'anaw wa'. Wo'ora c'a c'o ri k'atabeyom re, pero echiri' quesax ri k'atabeyom re