Popular Bible Verses from Filibbi 1

Share

Wa ana muʼakkid kadar Allah, al-bada khidimtah al-adiile foogku, hu yisawwiiha daayman lahaddi yitammimha fi yoom jayyit al-Masiih Isa.

Wa ana gaaʼid nasʼal Allah achaan hu yiziid mahabbitku wa yikattirha leeku be ziyaada. Wa khalli yantiiku maʼaaha ilim wa fihim tamaam achaan taʼarfu kikkeef timayyuzu daayman al-cheyy al-afdal. Wa khalaas tiʼiichu be niiye mukhlisa wa bala eeb wa tabgo jaahiziin le l-yoom al-yaji foogah al-Masiih.

Achaan leyi ana, al-haya illa maʼa l-Masiih. Wa l-moot indah leyi faayde be ziyaada.

Fi ayyi wakit kan fakkart leeku, nachkur Allah Rabbi.

Laakin khalli tiʼiichu be l-haal al-muwaafge le bichaarat al-Masiih. Wa misil da, kan naji nichiifku walla kan ana baʼiid minku kula, khalaas nasmaʼ kalaam fiiku al-yuguul intu saabtiin be fikir waahid wa hadaf waahid wa intu gaaʼidiin tihaarubu sawa fi chaan al-iimaan al-ligiituuh min bichaarat al-Masiih.

Wa nitmanna be niiye waahide wa be acham gawi kadar ma nafchul fi ayyi cheyy. Wa nidoor nikallim misil daayman kallamt be chajaaʼa wa bala khoof wa niʼazzim al-Masiih giddaam al-naas fi kulla hayaati, kan niʼiich walla numuut kula.

Achaan Allah antaaku rahma wa be l-rahma di, intu ma tiʼaamunu be l-Masiih bas laakin tatʼabo fi chaanah kula.