Popular Bible Verses from Afasus 6

Share

Aniina ma nihaarubu adu min al-naas. Laakin fi l-zaman al-haadir da, al-dunya gaaʼide fi l-dalaam wa fiyah chawaatiin al-gaaʼidiin yamulkuuha. Wa aniina gaaʼidiin nihaarubu hukkaam wa kubaaraat al-chawaatiin dool, al-humman askar Ibliis al-gaaʼidiin fi l-samaawaat.

Wa khallu al-Ruuh al-Khudduus yuguudku fi salaawaatku wa asʼalo Allah fi kulla wakit be kulla anwaaʼ hana duʼa wa talab. Wa misil da, agoodu waaʼiyiin wa ankarbu fi salaawaatku wa asʼalo Allah le kulla l-saalihiin.

Albaso silaah Allah al-kaamil achaan tagoodu beyah saabtiin wa najaadit Ibliis ma tinnasir foogku.

Achaan da bas, albaso silaah Allah al-kaamil achaan tagoodu saabtiin wakit Ibliis yahjimku. Wa baʼad kulla l-duwaas yikammil, tagoodu saabtiin battaan.

Wa ziidu ale l-silaah da al-iimaan wa khalli yabga leeku daraga. Ibliis al-chariir yidoor yizarrigku be nachaachiibah al-induhum fi raashum naar wa be l-iimaan taktulu al-niiraan dool. Wa khalli al-naja tabga leeku taagiiye hint harib. Wa akurbu gawi kalaam Allah al-hu misil seef hana l-Ruuh al-Khudduus.

Achaan da, agoodu saabtiin, sulubku marbuut be l-hagg. Khalli al-haal al-saalhe tabga leeku direʼ gawi fi sadurku. Abgo daayman chajiiʼiin le tiballukhu bichaarat al-salaam wa da yabga leeku misil niʼle adiiliin fi rijleeku.

Wa aakhir cheyy, abgo gawiyiin fi alaakhitku maʼa l-Rabb wa be gudurtah al-aziime.

Maktuub fi l-Kitaab : <Karrim ammak wa abuuk.> Wa min al-wasaaya, di bas al-wasiiye al-awwal al-indaha waʼad. Wa l-waʼad hu : <Achaan talga al-kheer wa umrak yabga tawiil fi l-ard.>

Asmaʼo, ya l-iyaal, al-Rabb yidoor intu tasmaʼo kalaam waaldeenku. Da bas al-waajib tisawwuuh.