Popular Bible Verses from Zɔ̂ŋ Maa-ŋuŋ 3

Share

Nîa-pɛlɛɛ, kúfe wɛli-kɛ-maa kɛ̀ nɔ́ a wóo-folo da kúlono-pere. Kɛ́lɛ, fɛ̂ɛ kú gɛ́ kútûa-pere su da tɔ̃yâ-laa.

Nyíŋi ƃe kwa wɛli-kɛ-maa kɔ̂lɔŋ ma a gɛɛ è ŋɔfúlu-laai lâa kúmɛni ma. Ǹyaŋ fɛ̂ɛ kú kúfulu-laai láa ǹûai mɛni ma.

Ka ŋwɛli-kɛ-maa kɛ́tɛi káa Nàŋ-nuui a gɛ̀ a kûai, a gɛ́ɛ díkɛ kútoli a Ɣâla lônii, ǹyaŋ kúkaa la. Sâpoi ŋ̀éniɛi fé kúkɔlɔŋ lai, nya ƃa ŋ̀éniɛi fé gɔ̀lɔŋ.

Ǹúui a sɔnyɔ̂ŋ kɛ̀i, gáa a Dɛ̂ƃele pɔ́ɔ, kpɛ́ni fêi, Dɛ̂ƃele è sɔnyɔ̂ŋ kɛ̀ é kúla gɔ́ɔ pîlanii. Sâpoi Ɣâla Ǹóŋ è pà lai, nya ƃa a gɛɛ é Dɛ̂ƃele ŋɔtíi su kara.

Ǹúui kélee gáa a Ɣâla ǹóŋ, va sɔnyɔ̂ŋ kɛ̀, kpɛ́ni fêi, Ɣâla káa gbonôi. Va pɔ̂ri sɔnyɔ̂ŋ kɛ̀i, kpɛ́ni fêi, gáa a Ɣâla ǹóŋ.

Kɛ́lɛ, à kɛ̀ ǹɔii-su-sãa da kɛ̀ núu yêei é gɔlɛ-ma-nuui káa da wɛ́li kɛ́ gɛ̀, kɛ́lɛ vé kpɔŋ-mâ tɛ̀ɛ ní gɔlɛ-ma-nuui pɔ́, a pɔ̂ri kɛ̂i leŋ ǹyɛɛ Ɣâla ŋɔwɛli-kɛ-maai káa gbonôi?

Diai kélee da ŋɔtɔ̂ŋ-ŋai mɛi kâai, díkaa gbonôi, ǹyaŋ gɛ̀ ƃò díkponôi. Berei ŋí ƃe kwa gɔ̀lɔŋ la a gɛɛ gáa kúkponôi, kpɛ́ni fêi a M̀ɔlêŋ Maa Waai tɛ́ɛ a gɛɛ é kɛ́ kúkponôi.

Nyíŋi su ƃe kwa pɔ̂ri Ɣâla ǹônii kɔ́lɔnîi naa da Dɛ̂ƃele ǹônii. Ǹúui kélee va mɛni-sãa kɛ̀i, vé a Ɣâla pɔ́ɔ, kpaa máŋ ǹúui vé m̀arâŋ-nuu wɛ́li níi.

Kpɛ́ni fêi, ŋ̀orɛ̂-wooi ká ŋí nyíi ká mɛni é kúla gɔ́ɔ pîlanii a gɛɛ fɛ̂ɛ kú kúkîe-ni wɛ́li.

Kála fé kpâla kâa, ŋánûa, a gɛɛ ǹɔii a kákpɔara.