Popular Bible Verses from Hebrey 13

Share

Mi'n pon cyc'u'je ti'j pwak; che tzalaje ti'j ch'in at cyeye ja'lo; porque in tma'n Dios: Mlay cyaj ncoline, ex mlay cyaj nk'o'ne.

Axte Jesucrist ew, ex ja'lo, ex te jumajx.

Cyja'tzun in ke'xix kc'u'j tu'n t-xi kma'n: Ate Kman onil weye; mlay chin xobe. Minti' jun mya ba'n jacu cybincha xjal wi'je.

Ex mi'n tzic' tna'l cyu'ne tu'n cybinchanteye aju ba'n ex tu'n cyoninte cyibe cyxolxe; porque ate jlu jun oyaj in xi cyk'o'ne te Dios in tzalaj ti'j.

Cyja'tzun, cucx tu'n tjaw knimsa'n tbi Dios nok tu'n Jesucrist, ic tza'n jun oyaj tu'n t-xi kk'o'n te; atzunju yol in tma'n ktzi' tu'nju in jaw knimsa'n tbi.

Nimanxwit ju mejeble'n cyu'n cycyakil, ex tu'n mi'n tcnet jun cyyaẍ, porque jun tz'il jlu; porque akeju yaẍil ex ke aj pajil cbel cycastiw tu'n Dios.

Mi'n tzic' tna'l cyu'ne tu'n cyk'onteye cyposad xjal tuc'ix ju at tajben cye, porque at junjun cybincha jlu, xi cyk'o'n cyposad anjel ex minti' ba'n cyu'n ka anjel ke.

Ate Dios k'olte kmojbabl kib, ex tu'n Dios jatz ank'in Kajaw Jesús cyxol cyimni, ate Jesús Pastor cyi'j ẍne'l ex ma' toclen, aju tchc'el oc te cyuwsabl teju yol ma cyaj bant ti'j tu'n Dios te jumajx. Awt Dios k'onte cynable tuj tcyakil ak'untl ba'n, tu'ntzun cybinchanteye aju tajbil, ex ax ck'olte kipumal tu'n kbinchante aju ba'n tuj twitz, nok tu'n Jesucrist. Nimanxwit ju tbi tuj tcyakil tabk'iyil te jumajx. Icxwitju.