Popular Bible Verses from Johannes 6

Share

Jesus h’ota ti ku jo: Ongaje omboroto homuenjo. Ngu te ja ku ngaje, ka s’ondjara ue, na ngu ti iteere ndje, ka s’enota ue.

Ombepo oho hahi gandja omuenjo, onjama kahi noruporo. Eehapu di nde di mu rombuera, odo ombepo nomuenjo.

Inamu ihepica neendia di tadi shuru po, ndere akaneni okurja hu taku kara komuenjo guarushe, shika otamu tshi peua kOmuna guOmuntu. Nguka tuu okua didirikua ku Karunga She.

Eharo rja Tate, ngu a tuma ndje, orjo ndika: Keshe ngu ta mono Omona, he ti iteere uo mu he, na peue omuenjo guarushe, onandi mu pendura mesiku rjoshugunina.

Jesus ta jamukura: Otshironga tsha Karunga otsho shi: Iteereni mu ngo, ngu a tuma.

Ajishe mbi te peua ku Tate, otaji ja ku ngaje; na ngu te ja ku ngaje, itandi mu ekereshi.

Nde Simon Petrus ta jamukura mo: Muene, sse atu hi ku re? Ngueje ou neehapu domuenjo guarushe.

Ongaje omboroto homuenjo, ngu nda zire keguru. Ngu ta ri omboroto ndjino, ota kara e nomuenjo sigoosigo. Nd’omboroto, ndji onandi gandja, onjama handje hi ninge omuenjo guujuni.

Kakuna ngu te ja ku ngaje, Tate, ngu a tuma ndje, ng’ite mu ciminike ko. Nde ngaje otandi mu jumuda mesiku rjoshugunina.

Oshoka omboroto ndjino oho’ndjija ha zire keguru, ho otahi pe uujuni omuenjo.

Ongaje omboroto homuenjo.

Jesus h’ota kuca eemboroto, ta amberere, he te di toporere ajeshe, mba ja kaatumba mpo. Tsh’otsho tuu eeshi mbaari, nga’mpa ja ara di cike. Sho ja kuta, ta rombuere aarongua je: Gongereni uupambu aushe, mbu u upa ko, kau kane.

So ja shinga osikepa puure pu cike eesitadio eemurongo mbaari na ntano nenge eemurongo ndatu, taa mono Jesus te ende kombanda hefuta, jo taa mbandara unene. Ndere he ta ti ku jo: Ongaje ngu, inamu tira!