Popular Bible Verses from 2 Petero 2

Share

Bityo Nyagasani azi uburyo bwo kuvana abamwubaha mu bigeragezo, no guteganyiriza abagizi ba nabi igihano, ku munsi Imana izaciraho imanza.

Icyajyaga kubabera cyiza ni ukutigera banyura inzira y'ubutungane kuruta kuyinyura, hanyuma bakayita bakanga itegeko ritagira inenge bari barahawe. Bikababera nka wa mugani uvuga ukuri ngo: “Imbwa isubiye ku birutsi byayo”, kandi ngo: “Ingurube yamaze kuhagirwa isubiye kwigaragura mu byondo”.

Basezeranira abantu kubakura mu buja, nyamara bo ubwabo bari mu buja bw'ingeso zizabatsembaho. Erega umuntu aba mu buja bw'ikintu cyose cyamuganje!

Ubundi abantu baca ukubiri n'iby'isi byonona ingeso, babishobojwe no kumenya Nyagasani Umukiza wacu Yezu Kristo. Nyamara iyo bibaye bityo, nyuma bakongera kubohwa na byo bigasubira kubaganza, imibereho yabo ya nyuma irusha iya mbere kuba mibi.

Ariko nk'uko abahanurabinyoma badutse kera muri rubanda, ni ko n'abigishabinyoma bazaduka muri mwe. Bazisuka muri mwe rwihishwa bakwize inyigisho ziyobya kandi zisenya, ndetse bazihakana Umugenga wabo wabacunguye, maze bidatinze bikururireho icyorezo.