Popular Bible Verses from 1 Abanyatesaloniki 5

Share

Mwishime iteka, musenge ubutitsa, mushimire Imana uko byamera kose, kuko ari byo ibashakaho mwebwe abari muri Kristo Yezu.

Imana ubwayo yo sōko y'amahoro ibagire abayo rwose, irinde buri wese uko ari kose: umwuka n'ubuzima n'umubiri, maze Umwami wacu Yezu Kristo naza azasange mutariho umugayo. Imana ibahamagara ni indahemuka, izabikora nta kabuza.

Muramenye he kugira uwitura undi inabi, ahubwo muhore mushaka kugirirana neza, ndetse abantu bose mubagirire neza.

Noneho rero muhumurizanye, kandi muterane inkunga nk'uko musanzwe mubigenza.

Bavandimwe, turabihanangiriza ngo mucyahe imburamukoro, mutinyure abanyabwoba kandi mukomeze abanyantegenke, bose mujye mubihanganira.

Erega Imana ntiyatugeneye kuzagubwaho n'uburakari bwayo! Ahubwo yatugeneye guhabwa agakiza dukesha Umwami wacu Yezu Kristo

kuko mwese muri ab'umucyo, muri ab'amanywa. Ntituri ab'ijoro, ntituri n'ab'umwijima.